وكسفورد ۋنيۆەرسيتەتىندە قازاق ءتىلى وقىتىلادى
استانا. KAZINFORM – ق ر سىرتقى ىستەر ءمينيسترى مۇرات نۇرتىلەۋ ۇلى بريتانيا سىرتقى ىستەر ءمينيسترى دەۆيد كەمەرونمەن كەزدەسۋىندە وكسفورد ۋنيۆەرسيتەتىندە قازاق ءتىلى كۋرستارىن اشۋ تۋرالى مەموراندۋمعا قول قويىلعانىن مالىمدەدى.
ق ر س ءى م باسشىسى اتاپ وتكەندەي، قازاقستان مەن ۇلى بريتانيا ءۇشىن ورتاق قۇندىلىقتاردىڭ ءبىرى - ادامي كاپيتال. سوڭعى جىلدارى ەكى ەل اراسىنداعى ءبىلىم بەرۋ سالاسىنداعى سەرىكتەستىك بەلسەندى دامىپ كەلەدى.
«بريتاندىق عىلىم جانە ءبىلىم بەرۋ جۇيەسى ءارقاشان ءبىزدىڭ ستۋدەنتتەر مەن عالىمدارعا تارتىمدىلىعىمەن ەرەكشەلەنەدى. مىسالى، بيىل لوندوندا نارحوز جانە Queen's ۋنيۆەرسيتەتتەرى اراسىندا سەرىكتەستىك جانە قوس ديپلومدىق باعدارلاما بويىنشا كەلىسىمدەرگە قول قويىلدى. Primus Capital جانە Ardingly كوللەدجدەرىنىڭ ۋاعدالاستىقتارىنا سايكەس، قازاقستاندا ەكى حالىقارالىق مەكتەپ اشۋ جوسپارلارى دا بار. بۇگىن وكسفورد ۋنيۆەرسيتەتىندە قازاق ءتىلى كۋرستارىن اشۋ تۋرالى مەموراندۋمعا قول قويىلدى»، - دەدى مۇرات نۇرتىلەۋ.
ونىڭ ايتۋىنشا، بريتاندىق وكسفورد جانە مانچەستەر ۋنيۆەرسيتەتتەرىنىڭ كىتاپحانالارىندا، سونداي-اق ۇلتتىق مۋزەيدە قازاق حالقىنىڭ تاريحىنا قاتىستى ماڭىزدى قولجازبالار مەن كىتاپتار تابىلعان. بەس عاسىر بۇرىن 1562-جىلى بريتاندىق ديپلومات ەنتوني دجەنكينسوننىڭ «قازاقيا» كارتاسى جارىق كوردى.
«بولاشاقتا مۇنداي باي جانە ناقتى دەرەكتەر ءوزىنىڭ ءادىل باعاسىن تاۋىپ، ەكى ەلدى بايلانىستىراتىن ىرگەلى فاكتورعا اينالاتىنى ءسوزسىز»، - دەدى ق ر س ءى م باسشىسى.
