مامان ءبىر تاۋلىكتەن كەيىن WhatsApp-تاعى حابارلامانى قالاي وشىرۋگە بولاتىنىن ايتتى

بۇل تۋرالى رەسەيلىك «ينتەللەكتۋالنىي رەزەرۆ» كومپانياسىنىڭ ديرەكتورى پاۆەل مياسوەدوۆ ايتتى، - دەپ حابارلايدى ريا نوۆوستي اگەنتتىگى.

ونىڭ ايتۋىنشا، WhatsApp-تا جىبەرىلگەن حابارلامانى تەك 68 مينۋتتا وشىرۋگە بولادى. الايدا مامان حابارلامانى ءوشىرۋدىڭ باسقا ءادىسى بار ەكەنىن ايتادى. ول ءۇشىن تەلەفونداعى كۇن مەن ۋاقىتتى وزگەرتۋ كەرەك.

«الدىمەن ءسىز جاڭا حابارلامالاردى قابىلداي المايتىنداي ەتىپ سمارتفونعا اۋەرەجيمىن ورناتۋىڭىز كەرەك. كەيىن حابارلاما جىبەرىلگەن ۋاقىتقا جاقىن كۇن مەن ۋاقىتتى بەلگىلەۋ كەرەك. ايىرماشىلىق بەلگىلەنگەن 68 مينۋتتان اسپاۋى شارت. وسىدان سوڭ ءسىز مەسسەندجەردەگى حابارلامانى وشىرە الاسىز»، - دەيدى پاۆەل مياسوەدوۆ «پرايم» اگەنتتىگىنە بەرگەن سۇحباتىندا.

مامان مەسسەندجەردەن وشىرىلگەن حابارلامانى ەكى ادىسپەن وقۋعا بولاتىنىن ايتتى. ءبىرىنشىسى، باسقا قوسىمشانى پايدالانۋ. الايدا مۇندا ءسىزدىڭ بارلىق حابارلاڭىز قولجەتىمدى بولۋ قاۋپى بار. ەكىنشىسى، سينحرونداۋ مۇمكىندىگىن پايدالانۋ. ءبىراق ونى تەك Android جۇيەسىندە عانا پايدالانۋعا بولادى.

«ەگەر ءسىز تەلەفونىڭىزدا رەزەرۆتى كوشىرمە جاساساڭىز، الايدا جاڭا حابارلاردى ساقتاۋعا ۋاقىت بولماسا، ونى وشىرىلگەن حابارلاما ارقىلى كورۋگە بولادى. ول ءۇشىن ءسىز مۇقيات ارەكەت ەتۋىڭىز كەرەك. ويتكەنى قۇرىلعىدا ءوزىڭىز وشىرگەن ماتىندەر پايدا بولادى»، - دەيدى مامان.

ءبىراق ەگەر ءسىز قاتەلەسىپ، حابارلامانى تەك قۇرىلعىڭىزدان وشىرسەڭىز، ونى ەشكىم وشىرە المايدى. مامان مۇنداي جاعدايدا حابارلامالاردى باقىلاۋ مۇمكىندىگى جويىلاتىنىن، ونى تەك ارنايى باعدارلاما ارقىلى وشىرۋگە بولاتىنىن جەتكىزدى. ولاردى تەلەفونعا بولەك ورناتۋ كەرەك.