كاسىپقوي بوكس: مەيىرىم نۇرسۇلتانوۆ WBO اتاعىن جەڭىپ الدى - ۆيدەو

اقتاۋ. قازاقپارات - قازاقستاندىق كاسىپقوي بوكسشى مەيىرىم نۇرسۇلتانوۆ (15-0، 8 ك و) اقتاۋدا وتكەن بوكس كەشىندە رەسەيلىك اندرەي سيروتكيندى جەڭدى، دەپ حابارلايدى قازاقپارات Sports.kz سايتىنا سىلتەمە جاساپ.

مەيىرىم نۇرسۇلتانوۆ اندرەي سيروتكينمەن (19-1-1، 7 ك و) ورتا سالماقتاعى بوس تۇرعان WBO International اتاعى ءۇشىن جۇدىرىقتاستى. كەزدەسۋ 10 راۋندقا ەسەپتەلگەن بولاتىن. الايدا رەسەيلىك بوكسشىنىڭ قاباعى جارىلىپ، كەزدەسۋدى ءارى قاراي جالعاستىرا الماۋىنا بايلانىستى جەكپە-جەك 5-راۋندتا اياقتالدى.

وسىلايشا، مەيىرىم نۇرسۇلتانوۆ ءوزىنىڭ كاسىبي بوكستاعى 16-شى جەڭىسىنە قول جەتكىزدى جانە WBO International اتاعىن جەڭىپ الدى. مەيىرىم ازىرگە جەڭىلىپ كورگەن جوق. ال ونىڭ قارسىلاسى رەسەيلىك بوكسشى كاسىبي بوكستا ەكىنشى رەت جەڭىلدى.