جانىبەك ءالىمحان ۇلى WBO الەم چەمپيونى تيتۋلى ءۇشىن مىندەتتى كانديدات بولدى

نۇر- سۇلتان. قازاقپارات - WBO دۇنيەجۇزىلىك بوكس ۇيىمى امەريكالىق چەمپيون دەمەتريۋس اندرادەگە قازاقستاندىق بوكسشى جانىبەك الىمحان ۇلىمەن جەكپە- جەك وتكىزىپ، ءوز تيتۋلىن قورعاۋدى مىندەتتەدى، دەپ حابارلايدى قازاقپارات Sports.kz سايتىنا سىلتەمە جاساپ.

«ورتا سالماقتاعى الەم چەمپيونى اتاعى ءۇشىن جوعارىدا اتالعان مىندەتتى جەكپە- جەك بويىنشا WBO تاراپتارعا كەلىسسوزدى باستاۋعا بۇيرىق ەتەدى. وسى حابارلاما جىبەرىلگەننەن كەيىن تاراپتارعا كەلىسسوز وتكىزۋگە جانە كەلىسىمگە كەلۋگە 20 كۇن بەرىلەدى»، - دەپ مالىمدەدى WBO- دان.

ايتا كەتەيىك، بۇل حات دەمەتريۋس اندرادەنىڭ پروموۋتەرى ەددي حيرنگە جانە جانىبەك ءالىمحان ۇلىنىڭ مەنەدجەرى بوب ارۋمعا ارنالعان. جانىبەك ءالىمحان ۇلى (10-0, 6 ك و) سوڭعى ايقاسىن 21 قاراشادا لاس- ۆەگاستا وتكىزدى. ول فرانتسيالىق حاسسان ندام نجيكامدى (38-5, 21 ك و) بەلگىلەنگەن 10 راۋندتىڭ 8-راۋندىندا تەحنيكالىق نوكاۋتپەن جەڭدى.

وسىلايشا قازاق بوكسشىسى WBO Global چەمپيونى تيتۋلىن قورعاپ قالدى. جانىبەك ءالىمحان ۇلى 1993 -جىلى 1 -ساۋىردە دۇنيەگە كەلگەن. اۋەسقوي بوكستا 2013 -جىلى الەم جانە ازيا چەمپيونى اتاندى. ال 2014 -جىلى ازيا ويىندارىندا جەڭىس تۇعىرىنان كورىندى. كاسىپقوي بوكستا 2016 -جىلدان بەرى سىنعا ءتۇسىپ كەلەدى.

ون جەكپە- جەگىنىڭ بارلىعىندا جەڭىسكە جەتتى. ونىڭ التاۋى نوكاۋتپەن اياقتالدى.