جەڭىلىپ كورمەگەن قازاقستاندىق بوكسشى WBC، WBA، WBO بۇرىنعى چەمپيونىمەن جۇدىرىقتاسادى

نۇر- سۇلتان. قازاقپارات - قازاقستاندىق بوكسشى ءابىلحايىر شەگاليەۆ (8-0-1, 4 ك و) ءوزىنىڭ كەلەسى جەكپە- جەگىن ماسكەۋدە 16-قىركۇيەكتە وتكىزەدى، دەپ حابارلايدى قازاقپارات Sports.kz سايتىنا سىلتەمە جاساپ.

شەگاليەۆتىڭ قارسىلاسى وسى جىلدىڭ اقپان ايىندا قازاقستاندىق مەيىرىم نۇرسۇلتانوۆپەن (17-0، 10 ك و) جۇدىرىقتاسقان تانىمال رەسەيلىك بوكسشى اندرەي سيروتكين (20-2-1، 7 ك و) بولماق. ول ايقاستا نۇرسۇلتانوۆ بەسىنشى راۋندتا مەرزىمىنەن بۇرىن جەڭگەن بولاتىن.

ءوز مانسابىندا سيروتكين ءۇش بوكس ۇيىمىنىڭ ەكىنشى دارەجەلى چەمپيوندىق بەلبەۋلەرىنىڭ، ياعني WBC ABC Continental, WBA Inter- Continental, WBA Asia, WBO European تيتۋلدارىنا يە بولدى. اندرەي سيروتكين ءوزىنىڭ سوڭعى جەكپە- جەگىن ءساۋىر ايىندا وتكىزدى.

وندا ول بەلارۋس سپورتشىسى ۆيكتور مۋراشكيندى (4-3، 3 ك و) تورەشىلەردىڭ ءبىراۋىزدان شەشىمىمەن جەڭدى. ءابىلحايىر شەگاليەۆكە كەلەتىن بولساق، قازاقستاندىق سپورتشى اقپان ايىندا رەسەيلىك مانۋك ديلانيانمەن (12-9-2، 5 ك و) جەكپە- جەك وتكىزدى. ايقاس تەڭ ناتيجەمەن اياقتالدى.