قازاقستاندىق بوكسشى WBC رەيتينگىنىڭ توپ-10 عىنا ەندى

نۇر-سۇلتان. قازاقپارات - دۇنيەجۇزىلىك بوكس كەڭەسى بارلىق سالماق ساناتتارى بويىنشا رەيتينگتەردىڭ جاڭارتىلعان نۇسقاسىن جاريالادى، دەپ حابارلايدى قازاقپارات Sports.kz-كە سىلتەمە جاساپ.

قازاقستان بوكسشىلارىنىڭ پوزيتسيالارى:

اسا اۋىر سالماقتا جان كوسوبۋتسكي 19-ورىندا قالدى. ءبىرىنشى اۋىر ساناتتا قامشىبەك كوڭقابايەۆ تا پوزيتسياسىن وزگەرتكەن جوق - 32-ورىن. ەكىنشى ورتا ديۆيزيوندا سىنعا تۇسكەن ايدوس ەربوسىن ۇلى مەن ءالي احمەدوۆ سايكەسىنشە 17-ءشى جانە 21-ورىنداردى ساقتاپ قالدى.

جانىبەك ءالىمحان ۇلى ورتا سالماقتاعى رەيتينگتە ءالى ءتورتىنشى ورىندا تۇرسا، مەيىرىم نۇرسۇلتانوۆ 17-ورىننان ونىنشىعا كوتەرىلدى.

سادريددين احمەدوۆ ءبىرىنشى ورتا كاتەگوريادا 20-بولىپ قالدى. جارتىلاي ورتا سالماقتاعى دانيار ەلەۋسىنوۆ ءۇش پوزيتسيانى جوعالتىپ، ءوز ديۆيزيونىنىڭ رەيتينگىندە 23-ورىنعا تۇراقتادى.

تالعات شايكەن ءالى 37- ءشى قاتاردا. باتىر جۇكەمبايەۆ ءبىرىنشى جارتىلاي ورتا سالماقتاعى رەيتينگتە 22-ورىندا. 39-ورىنداعى رۋسلان ماديەۆ توپ-40 تان شىعىپ قالدى.