قازاقستاندىق WBA چەمپيوندارىنىڭ الەمدىك رەيتينگتەگى ورنى جوعارىلادى

نۇر-سۇلتان. قازاقپارات - Boxrec.com سايتى قازاقستاندىق بوكسشىلار بەك نۇرماعانبەت (7-0، 5 ك و) پەن ەۆگەني پاۆلوۆتىڭ (7-0، 5 ك و) ا ق ش- تاعى سوڭعى جەڭىستەرىنەن كەيىن بوكس الەمىندەگى پوزيتسياسىن قايتا قارادى، دەپ حابارلايدى قازاقپارات Sports.kz سايتىنا سىلتەمە جاساپ.

نۇرماعانبەت سوڭعى جەكپە-جەگىنىڭ ەكىنشى راۋندىندا ا ق ش بوكسشىسى حەينەلل ۋيلەردى (7-2، 6 ك و) نوكاۋتپەن جەڭگەننەن كەيىن BoxRec- ءتىڭ سۋپەر ورتا سالماقتاعى رەيتينگىندە بەس پوزيتسياعا ءبىراق كوتەرىلىپ، 73- ورىننان 68 گە شىققان.

ەكىنشى راۋندتا مەكسيكالىق الەكسيس ساليدونى (2-3، 1 ك و) نوكاۋتقا تۇسىرگەن پاۆلوۆ ەكىنشى جەڭىل سالماقتاعى رەيتينگتە 62- ورىننان 55 گە كوتەرىلدى.

ەسكە سالا كەتسەك، بۇل ەكى بوكسشى WBA International نۇسقاسى بويىنشا ءوز سالماقتارىندا چەمپيون اتاعىنا يە.