08:31, 02 - قىركۇيەك 2021 | GMT +6
WBA گولوۆكيننىڭ جەكپە- جەگىنە قاتىستى شەشىم قابىلدادى
نۇر-سۇلتان.قازاقپارات - سپورت- ەكسپرەسس دۇنيەجۇزىلىك بوكس قاۋىمداستىعى قازاقستاندىق بوكسشى گەننادي گولوۆكيننىڭ كەلەسى جەكپە- جەگىنە قاتىستى شەشىم قابىلدادى، دەپ حابارلايدى رrosports.kz.
ينسايدەر دەن رافاەلدىڭ اقپاراتىنا سايكەس، دۇنيەجۇزىلىك بوكس قاۋىمداستىعى WBA نۇسقاسى بويىنشا ورتا سالماقتاعى الەم چەمپيونى ەريسلاندي لارانىڭ WBA Super تولىق تيتۋلىنىڭ يەسى ريوتا مۋراتامەن جەكپە- جەك تاعايىنداۋ تۋرالى سۇرانىسىن قابىلدامادى. مۋراتانىڭ جەلتوقساندا IBF/IBO چەمپيونى گەننادي گولوۆكينمەن بىرلەسكەن جەكپە- جەك وتكىزەتىنى تۋرالى بەلگىلى. ۇيىم وسى جوسپاردى ۇستانباق.
«لارا WBA- دان وعان مۋراتامەن جەكپە- جەك تاعايىنداۋىن سۇراعان، ءبىراق ماعان WBA- نىڭ جەلتوقسانعا جوسپارلانعان GGG- مۋراتا ۋنيفيكاتسياسىن سانكتسيالاپ جاتقانى ايتىلدى»، - دەدى Twitter- دە رافاەل.
گولوۆكين مەن مۋراتانىڭ ايقاسى جەلتوقساندا جاپونيادا بولادى دەپ كۇتىلەدى.