رەسەيدە بۇگىننەن باستاپ Visa جانە Mastercard تولەم كارتالارى جۇمىسىن توقتاتتى

ماسكەۋ. تاسس- قازاقپارات – 10-ناۋرىزدان باستاپ رەسەيدە Visa جانە Mastercard حالىقارالىق تولەم جۇيەلەرىنىڭ كارتالارى ر ف- تە جۇمىسىن توقتاتادى، دەپ حابارلايدى قازاقپارات ت ا س س- قا سىلتەمە جاساپ.

Visa جانە Mastercard كارتالارى بويىنشا ترانسشەكارالىق وپەراتسيالار قولجەتىمسىز. بۇعان دەيىن حابارلانعانداي «رەسەي بانكتەرى شىعارعان Visa جانە Mastercard حالىقارالىق تولەم جۇيەلەرىنىڭ بۇكىل كارتالارى ولاردىڭ قولدانۋ مەرزىمى اياقتالعانعا دەيىن رەسەي اۋماعىندا قالىپتى رەجيمدە جۇمىس ىستەي بەرەدى. ولار بويىنشا وپەراتسيالار ەل ىشىندە تولەم كارتالارىنىڭ ۇلتتىق جۇيەسىندە جۇزەگە اسىرىلادى جانە ولارعا سانكتسيا ىقپال ەتپەيدى. وسى كارتالارعا بايلانعان شوتتاعى قاراجات تولىق ساقتالادى جانە كەز كەلگەن ۋاقىتتا قولجەتىمدى»، - دەدى رەسەيدىڭ ورتالىق بانكى.