جاپونيادا VI پاراليمپيادا ويىندارىنىڭ سالتاناتتى اشىلۋ ءراسىمى باستالدى
ءدۇبىرلى دودا 24-تامىز جانە 5-قىركۇيەك ارالىعىندا وتكىزىلەدى. اتالعان جارىستا ەلىمىزدىڭ اتىنان بارعان 26 سپورتشى سپورتتىڭ 7 تۇرىنەن سىنعا تۇسەدى. قازاقستان قۇراماسىنان سۋعا جۇزۋدەن - 7، دزيۋدودان - 7، پاۋەرليفتينگتەن - 5، تاەكۆوندودان -3، جەڭىل اتلەتيكا، كانوەدە ەسكەك ەسۋ مەن وق اتۋدان - ەكى- ەكىدەن سپورتشىلار قاتىسادى.
قازىر جاپونيا ۇلتتىق ستاديونىندا وتەتىن سالتاناتتى اشىلۋ راسىمىندە ەلىمىزدىڭ تۋىن تاەكۆوندودان ەكى دۇركىن الەم چەمپيونى، ازيا جانە ەۋروپا چەمپيوناتتارىندا ۇزدىكتەر قاتارىنان كورىنگەن نۇرلان دومبايەۆ پەن پاۋەرليفتينگتەن ريو پاراليمپياداسىنىڭ كۇمىس جۇلدەگەرى راۋشان قويشىبايەۆا ۇستاپ شىعادى دەپ كۇتىلۋدە. توكيو پاراليمپيادا ويىندارىندا دۇنيە ءجۇزىنىڭ 136 مەملەكەتىنەن كەلگەن 4400-گە جۋىق سپورتشى 22 سپورت تۇرىنەن سىنعا تۇسەدى.
ايتا كەتسەك، «Qazsport» تەلەارناسى XVI پاراليمپيادا ويىندارىن تىكەلەي ەفيردە كورسەتەدى.