جۇكتى ايەلدەردىڭ «سپۋتنيك V» ۆاكسيناسىن الۋىنا رۇقسات بەرىلدى
بۇل تۋرالى جۇما كۇنى ر ف دەنساۋلىق ساقتاۋ ءمينيسترى ميحايل مۋراشكو ءمالىم ەتتى، دەپ حابارلايدى قازاقپارات تاسس اگەنتتىگىنە سىلتەمە جاساپ.
«بۇگىن ۆاكسينانىڭ قاۋىپسىزدىگىن تەكسەرۋدەگى كلينيكاعا دەيىنگى زەرتتەۋدىڭ وڭ ناتيجەلەرىن، سونداي-اق كلينيكالىق زەرتتەۋلەر مەن تىركەۋدەن كەيىنگى كەزەڭدەگى تيىمدىلىك پەن قاۋىپسىزدىك بويىنشا جيناقتالعان دەرەكتەردى ەسكەرە وتىرىپ، ساراپشىلار جۇكتى ايەلدەرگە «گام- كوۆيد-ۆاك» ۆاكسيناسىن قولدانۋعا قارسى كورسەتكىشتەردى الىپ تاستاۋ تۋرالى شەشىم قابىلدادى»، - دەدى ول كوروناۆيرۋس ينفەكسياسىمەن كۇرەس بويىنشا ۇيلەستىرىلگەن كەڭەستە.
بۇعان دەيىن قازاقستاندىق رەپرودۋكتيۆتى مەديتسينا قاۋىمداستىعىنىڭ پرەزيدەنتى، ق ر اكادەميگى جانە باس رەپرودۋكتولوگى ۆياچەسلاۆ لوكشين جۇكتى ايەلدەردەگى كوروناۆيرۋس ينفەكسياسىنىڭ اعىمى تۋرالى ايتقان بولاتىن.
