الەكسەي سوي «سپۋتنيك V» العاننان كەيىن كوز جۇمعاندار تۋرالى پىكىر ءبىلدىردى
«ۆاكسيناسىز ۆيرۋس جۇقتىرۋدىڭ جانە ونىڭ سالدارىن تارتۋدىڭ قاتەرى ۆاكينا العاننان مىڭ ەسە كوپ. ۆاكتسينادان كەلۋى مۇمكىن تاۋەكەل وتە تومەن. وقيعالاردىڭ سايكەس كەلۋ بار قازىر. ۆاكسينا العاننان كەيىن ازاماتتار كوز جۇمعان. ميداعى اقپارات بويىنشا سوڭعى پروتسەدۋرا ۆاكسينا بولعاندىقتان، سونىڭ كەسىرىنەن قايتىس بولدى دەپ ويلايدى ءبارى. جاعدايلاردىڭ ءارقايسىسىن كوميسسيا جەكە-جەكە قاراپ، ۆاكسينا مەن ءولىمنىڭ اراسىندا قانداي دا ءبىر بايلانىس بار ما دەگەن سۇراققا جاۋاپ ىزدەپ جاتىر. جاي عانا مىسال ءۇشىن سىزگە مىنانى ايتقىم كەلەدى. كوروناۆيرۋسقا دەيىن، كۇن سايىن ەلىمىزدە 5 ادام ينسۋلتتەن، 7 ادام ينفاركتان ولەتىن. قازىر كۇن سايىن ۆاكسينا الۋشىلاردىڭ سانى ارتىپ جاتىر. ياعني ىقتيمالدىق مۇمكىندىگى ارتىپ كەلەدى»، - دەدى ۆەدومستۆو باسشىسى.
مينيستر كۇن سايىن ۆاكسينا الماسا دا، بىرنەشە ادام قان قىسىمىنان، كۇيزەلىس جاعدايىنان، تۇقىم قۋالايتىن اۋرۋدان كوز جۇماتىنىن ەسكە سالدى.
«وسىنداي جايتتار ۆاكسينا الۋ ساتىمەن سايكەس كەلىپ قالادى. ءبىز دارىگەر رەتىندە ءار وقيعانى زەرتتەيمىز. ەگەر ءولىمنىڭ ۆاكسينامەن قانداي دا ءبىر بايلانىسى بولسا، توقتاتا تۇرۋعا نۇسقاۋ بەرەتىن ەدىك. ءبىراق ءدال قازىر تىكەلەي سەبەپ جوق ەكەنىن كورىپ وتىرمىز. وسىنى ءتۇسىنۋ كەرەك. بىرەۋ ونكولوگيادان، بىرەۋ قانت ديابەتىنەن كەتىپ جاتادى»، - دەدى الەكسەي سوي.
سونداي-اق، ول قازاقستاندا 2 ميلليون ادام ۆاكسينا السا، سونىڭ ىشىندە 820 ادام ۆيرۋس جۇقتىرعانىن ايتتى.
«بىرىنشىدەن ولار اۋرۋدى وتە جەڭىل وتكەرگەن. ويتكەنى ۆاكسينا يممۋنيتەتتى قورعايدى. ەكىنشىدەن، ونىڭ ۇلەسى - 0,03 پايىز عانا. بۇل وتە از. «سپۋتنيك V» ۆاكسيناسىنىڭ ەڭ جوعارى تيىمدىلىگى 92 پايىز دەپ جاريالاندى. ياعني، ەكپە العان 100 ادامنىڭ سەگىزى قانداي دا ءبىر پايدالى اسەر الماۋى مۇمكىن نەمەسە ۆاكسينا السا دا، اۋىرىپ قالۋى مۇمكىن دەگەن ءسوز. ال قازىر بىزدە ۆاكسينا العانداردىڭ 0,03 پايىزى عانا اۋىرعان. ياعني ۆاكسينالاۋدىڭ تيىمدىلىگى جوعارى، وڭ اسەر ەتىپ جاتىر دەۋگە بولادى»، - دەگەن مينيستر الەمدە رەسەيلىك تەحنولوگيامەن جاسالاتىن ۆاكسينانى 30 ەل قابىلداپ جاتقانىن باسا ايتتى.
«ءدال قازىرگى ساتتە «سپۋتنيك V» ادام ولتىرگەنىن كورىپ وتىرعان جوقپىز. بىزدەن بولەك الەمنىڭ 30 ەلىندە 100 ميلليوننان استام ادام وسى ۆاكسينانى الدى. ازىرگە قايعىلى جاعدايلاردىڭ ءبىر دە بىرەۋىندە ۆاكسينامەن تىكەلەي بايلانىسى بار ەكەنى انىقتالعان جوق. سوندىقتان ءدال قازىر بۇل ۆاكسينا ءتيىمدى ءارى قاۋىپسىز»، - دەدى الەكسەي سوي.
