UFC: دامير ىسماعۇلوۆ قاتارىنان بەسىنشى جەڭىسىنە قول جەتكىزدى

نۇر- سۇلتان. قازاقپارات - قازاق فايتەرى دامير ىسماعۇلوۆ ا ق ش- تىڭ تەحاس شتاتىنداعى وستين قالاسىندا وتكەن UFC on ESPN 37 تۋرنيرىندە گرۋزيالىق گۋرام كۋتاتەلادزەنى (12-2) ۇتتى، دەپ حابارلايدى قازاقپارات ءتىلشىسى.

ءۇش راۋندقا سوزىلعان جەكپە- جەكتە د. ىسماعۇلوۆ تورەشىلەر شەشىمىمەن جەڭىسكە جەتتى. قورىتىندى ناتيجە - 28:29, 29:28, 30:27. وسىلايشا، ورىنبورلىق قازاق د. ىسماعۇلوۆ كاسىبي جولىنداعى 24 ءىنشى، ال UFC- تاعى قاتارىنان بەسىنشى جەڭىسىنە قول جەتكىزدى. گۋرام كۋتاتەلادزە ءۇشىنشى رەت جەڭىلىس تاپتى. بۇدان بۇرىن دامير UFC دوداسىندا اۋستراليالىق الەكس گوردجەستى (7-1)، يسپانيالىق حوەل الۆارەستى (19-3)، برازيليالىقتار تياگو مويزەستى (15-6)، رافاەل الۆەستى (20-10) جەڭگەن بولاتىن.

وستيندەگى باستى جەكپە- جەك امەريكالىقتار كەلۆين كاتتار مەن دجوش ەممەتت اراسىندا ءوتتى. مۇندا ك. كاتتار فاۆوريت سانالعانىمەن، كۇتپەگەن جەردەن د. ەممەتت قارسىلاسىن قاپى قالدىرىپ كەتتى. ەسكە سالا كەتەيىك، بۇدان بۇرىن دامير ىسماعۇلوۆتىڭ قارسىلاسىمەن كوز ارباسقانىن جازعان بولاتىنبىز.

اۆتور: ەلجان ەرالى