شاۆكات راحمونوۆ UFC دەگى ەكى جەكپە-جەگى ءۇشىن قانشا تابىس تاپتى؟

نۇر-سۇلتان. قازاقپارات - قازاقستاندىق فايتەر شاۆكات راحمونوۆ (14-0) UFC- دە وتكىزگەن ەكى جەكپە-جەك ءۇشىن قانشى قارجى تاپقانى بەلگىلى بولدى، دەپ حابارلايدى قازاقپارات Sports.kz سايتىنا سىلتەمە جاساپ.

راحمونوۆ UFC گە العاش رەت وتكەن جىلدىڭ قازان ايىندا شىققان. العاشقى جەكپە-جەگىندە قازاقستاندىق سپورتشى ءبىرىنشى راۋندتا برازيليالىق الەكس وليۆەيرانى (22-10-1-2) جەڭىپ شىقتى.

شاۆكاتتىڭ بۇل جەكپە-جەك ءۇشىن العان گونورارى 37500 دوللاردى قۇرادى (10000 دوللار — وكتاگونعا شىققانى ءۇشىن، 10000 دوللار - جەڭىسكە جەتكەنى ءۇشىن، 3500 دوللار — جىگەرلەندىرۋ بونۋسى، تاعى 14000 دوللاردى راحمونوۆقا سالماق ولشەۋدەن وتپەي قالعان قارسىلاسى «سىيلاعان»).

راحمونوۆ UFC دەگى ەكىنشى جەكپە-جەگىندە دە جەڭىسكە جەتكەن. وندا ول ەكىنشى راۋندتا برازيليالىق سپورتشى ميشەل پرازەريستى (26-4) جىقتى.

سول كەزدەگى گونورارى 28000 دوللاردى قۇرادى (12000 دوللار — شىققانى ءۇشىن، 12000 دوللار — جەڭىسكە جەتكەنى ءۇشىن، 4000 دوللار — جىگەرلەندىرۋ بونۋسى).

وسىلايشا، شاۆكات راحمونوۆ UFC- دە وتكىزگەن ەكى جەكپە-جەگى ءۇشىن جالپى العاندا 65500 دوللار تابسقا جەتتى.