دامير ىسماعۇلوۆ UFC دەگى ءتورتىنشى جەكپە- جەگىندە جەڭىسكە جەتتى

نۇر- سۇلتان. قازاقپارات - قازاقستاندىق فايتەر دامير ىسماعۇلوۆ (19-1) UFC دەگى ءوزىنىڭ ءتورتىنشى جەكپە- جەگىن وتكىزدى، دەپ حابارلايدى قازاقپارات Sports.kz-كە سىلتەمە جاساپ.

ول لاس- ۆەگاستا (ا ق ش، نيەۆادا شتاتى) UFC Fight Night 188 تۋرينرىندە ونەر كورسەتتى. وندا برازيليالىق رافاەل الۆەسپەن (19-9) جۇدىرىقتاستى.

جەڭىل سالماقتاعى ايقاس ءۇش راۋندقا ەسەپتەلگەن. بۇل جەكپە- جەك تورەشىلەردىڭ ءبىراۋىزدان شەشىمىمەن ىسماعلوۆتىڭ جەڭىسىمەن اياقتالدى. الايدا، قازاق سپورتشىسى ءبىرىنشى راۋندتا نوكداۋنعا ءتۇسىپ قالدى.

وسىلايشا، دامير ىسماعلوۆ ءوزىنىڭ كاسىبي مانسابىنداعى مەرەيتويلىق جيىرماسىنشى جەڭىسىنە قول جەتكىزدى، ال رافاەل الۆەس ونىنشى رەت جەڭىلىسكە ۇشىرادى.

ايتا كەتەيىك، ىسماعلوۆ ءۇشىن بۇل - UFC- دەگى ءتورتىنشى جەكپە- جەگىندەگى ءتورتىنشى جەڭىس. قازاقستاندىق ءوزىنىڭ ەڭ ءىرى پروموۋتەرلىك دەبيۋتىن 2018 -جىلدىڭ جەلتوقسانىندا جاسادى.