UEFA ۇلتتار ليگاسى جارتىلاي فينال ويىندارى باستالادى
ايتا كەتسەك، جارىستىڭ اتالعان ساتىسىندا يتاليا، يسپانيا، بەلگيا جانە فرانسيا قۇرامالارى سىنعا تۇسەدى. 6 - قازاندا يتاليا مەن يسپانيا قۇرامالارى شەبەرلىك بايقاسسا، 7 - قازاندا بەلگيا مەن فرانسيا قۇرامالارى جاسىل الاڭعا شىعادى.
اتالعان ەكى ويىن ەلوردا ۋاقىتىمەن 00:35 تە باستالىپ، «Qazsport» تەلەارناسىنان تىكەلەي ەفيردە كورسەتىلەدى.
جەڭىمپازدار 10 - قازاندا فينالدا كەزدەسسە، ءدال سول كۇنى 3-ورىن ءۇشىن سايىس وتكىزىلەدى.
2020/21-جىلعى كەزەڭدە قازاقستان قۇراماسى A توبىندا البانيا، بەلارۋس جانە ليتۆا قۇرامالارىمەن ويناپ، ءتورتىنشى ورىندى مىسە تۇتتى.
ەندى قازاقستاندىق فۋتبولشىلار 2022-جىلدىڭ 24 - جانە 28 - ناۋرىز كۇندەرى وتپەلى كەزەڭ ويىندارىن وتىزەدى.
جەڭگەن قۇراما C ليگاسىندا قالادى. ۇلتتار ليگاسى ويىندارى 2018-جىلدان باستاپ وتكىزىلەدى.
العاش رەت پورتۋگاليا قۇراماسى چەمپيون اتاعىن جەڭىپ الدى. 2019-جىلى بولعان جارىستىڭ فينالدىق ساتىسىندا پورتۋگاليا، نيلەرلاندى، انگليا مەن شۆەيتساريا قۇرامالارى باسەكەگە ءتۇستى.
بۇل جولى قازاقستان قۇراماسى D ليگاسىندا ءبىرىنشى توپتا گرۋزيا، لاتۆيا جانە اندوررامەن سىنعا ءتۇسىپ، ەكىنشى ورىن الدى.
