UEFA كونفەرەنتسيا ليگاسى: «استانا» جارىس جولىنان شىعىپ قالدى
ەسكە سالساق، ەكى كوماندا اراسىنداعى العاشقى كەزدەسۋ 1:1 ەسەبىمەن اياقتالعان. بۇگىنگى كەزدەسۋدە ەكى كوماندانىڭ ءبىرى جەڭىسكە جەتۋى ءتيىس بولاتىن. تەڭ ەسەپ جەڭىمپازدى انىقتاي الماۋشى ەدى. وسىلايشا ەكى كوماندا دا بىردەن العا ۇمتىلدى. ءبىرىنشى كەزەڭدە «استانا» ساپىنان تيگران بارسەگيان 4، ابات ايىمبەتوۆ 41-مينۋتتاردا مەرگەندىك تانىتتى.
ناتيجەسىندە ەلوردالىق كلۋب قارسىلاسىنان 2:0 ەسەبىمەن باسىم تۇسكەن ەدى. ەكىنشى كەزەڭدە كۋپس ساپىنان رانجەل 53-مينۋتتا ەسەپ ايىرماسىن قىسقارتتى. ال 61، 74-مينۋتتاردا رانجەل قوس گولدىڭ اۆتورى اتانىپ، تارازى باسىن تەڭەستىرىپ كەتتى.
ويىننىڭ 77-مينۋتتا فينليانديالىق كلۋب ساپىنان يانيس يكاۋنەكس ءوزىنىڭ كومانداسىن العا شىعاردى. وسىلايشا «استانا» قارسىلاسىنان 3:4 ەسەبىمەن جەڭىلىپ، جارىس جولىنان شىعىپ قالدى.
سونداي- اق، بۇگىن اتالعان تۋرنيردە قوستانايدىڭ «توبىلى» سىرت الاڭدا سلوۆاكيانىڭ «جيلينا» كومانداسىمەن كەزدەسەدى. ال قاراعاندىنىڭ «شاحتەرى» ۋكراينانىڭ «كولوس» كومانداسىن ورتا جولدا قالدىرىپ كەتتى. ال ەۋروپا ليگاسىندا الماتىنىڭ «قايراتى» سىرت الاڭدا ارمەنيانىڭ «اسلاشكەرتىمەن» شەبەرلىك بايقاسادى.