09:30, 20 - مامىر 2021 | GMT +5
UEFA قازاقستان فۋتبولىنىڭ دامۋىنا ىقپال ەتەدى
نۇر-سۇلتان. قازاقپارات - قازاقستان فۋتبولى دامۋدىڭ داڭعىل جولىنا تۇسپەك. ۇلتتىق فەدەراتسيانىڭ ىنتاسىن UEFA قۇپتاپ، قولداۋ بىلدىرۋگە نيەتتى. بۇل تۋرالى ۇيىم سەرىكتەسى پاۆەل كوليەۆ ايتتى.
قازىر فەدەراتسيا دامۋ ستراتەگياسىن جاڭعىرتۋدى كوزدەپ وتىر. پاۆەل كوليەۆ ماقسات- مۇددەنى تۇگەل ەسكەرىپ، جوبالاردىڭ ورىندالۋىنا جاردەمدەسۋگە دايىن ەكەنىن ايتتى. الدىمەن بىلىكتى ساراپشىلاردى تارتۋعا ىقپال ەتەتىنىن جەتكىزدى. قازىر UEFA Grow باعدارلاماسىندا ستراتەگيا قۇرۋدىڭ ءبىرىڭعاي فورماتى بار. وعان كوليەۆ جەتەكشىلىك ەتەدى.
پاۆەل كوليەۆ، UEFA سەرىكتەسى:
- ۇلتتىق فەدەراتسيانىڭ فۋتبولدى دامىتۋعا ىنتا قويۋى ءبىز ءۇشىن ماڭىزدى. ءبىز بارلىق باستامانى قولداپ، جوبالاردىڭ ورىندالۋىنا جاردەم ەتەمىز. دامىعىڭ كەلسە، UEFA مىندەتتى تۇردە قولداۋ كورسەتەدى دەگەن ءسوز.
www.24.kz
