تۇزەتۋ مەكەمەلەرىندەگى 92 ادام ءداستۇرلى يسلامعا قايتتى
استانا. KAZINFORM - ىشكى ىستەر مينيسترلىگىندەگىلەر Kazinform ساۋالىنا جولداعان جاۋاپتا دەسترۋكتيۆتى ءدىني اعىم جەتەگىندەگىلەردى ءداستۇرلى يسلامعا قايتارۋ جۇمىستارى قالاي ءجۇرىپ جاتقانىن ءمالىم ەتتى.
- قازاقستان مۇسىلماندارى ءدىني باسقارماسىمەن بىرلەسىپ سوتتالعاندارمەن جۇمىس ىستەۋگە، اناعۇرلىم تاجىريبەلى 107 رەسمي ءدىني وكىل ىرىكتەلىپ، مەكەمەلەرگە بەكىتىلدى.
ق م د ب جانە قىلمىستىق اتقارۋ جۇيەسى مەكەمەلەرىنىڭ تەولوگيالىق وڭالتۋ جۇمىسىن ۇيىمداستىرۋ ينسپەكتورلارىنىڭ بىرلەسكەن ءىس-قيمىل جاساسۋ الگوريتمى ازىرلەندى.
وتكىزىلگەن ءىس- شارالاردىڭ ناتيجەسىندە 2024 -جىلى ءدىني ەكسترەميزم يدەيالارىنان ءداستۇرلى يسلامعا 92 ادام اۋىستى، - دەپ جازىلعان مينيسترلىك مالىمەتىندە.
جالپى 2024 -جىلى سوتتالعاندارعا 43 مىڭنان استام پسيحولوگيالىق كونسۋلتاتسيا كورسەتىلگەن.
- سوتتالعاندارعا تۋىستارىمەن ۇزاق مەرزىمدى كەزدەسۋلەر بەرۋ كەزىندە سوتتالعانداردىڭ امنەستيكالىق دەرەكتەرىمەن جانە قاماۋعا الىنعانعا دەيىنگى ومىرىمەن تانىسۋ، وتباسىلىق قاتىناستاردى قولداۋ، وتباسى ىشىندەگى جانجالداردى شەشۋ ءۇشىن پسيحولوگيالىق كونسۋلتاتسيا جۇرگىزىلەدى.
2024 -جىلى 43054 كونسۋلتاتسيا وتكىزىلدى. بارلىق سوتتالعاندارعا مەكەمەگە كەلگەن كۇننەن باستاپ پسيحولوگيالىق كومەك كورسەتىلەدى (ۇستاۋ رەجيمىنە بەيىمدەلۋ كەزىندەگى قولداۋ، داعدارىستىق جاعدايلاردى جەڭۋ، تۇلعاارالىق قاتىناستاردى وڭتايلاندىرۋ ءۇشىن تۇزەتۋ جانە الدىن الۋ جۇمىستارى)، - دەپ جازادى ءى ءى م ماماندارى.
بۇعان دەيىن قازاقستان تۇرمەلەرىندەگى 1 مىڭنان استام ايەل راقىمشىلىققا ءىلىنۋى مۇمكىن ەكەنىن جازعان ەدىك.
