فۋتزالدان قازاقستان قۇراماسى بەلارۋستەن ويسىراي ۇتىلدى

گۋمەننەدە (سلوۆاكيا) وتكەن ماتچتا بەلارۋس قۇراماسى 5:1 ەسەبىمەن جەڭىسكە جەتتى.

بەلارۋس قۇراماسى ساپىندا ۆلاديسلاۆ سەليۋك (7-مينۋت)، الەكسەي پينچۋك (10-مينۋت)، ۆيتالي شادۋركو (13-مينۋت)، سەرگەي كرىكۋن (29-مينۋت) جانە سەرگەي سينيتسكي (40-مينۋت) گول سوقتى. قازاقستان قۇراماسىنان رينات تورەعازين 40-مينۋتتا مەرگەندىك تانىتتى. 37-مينۋتتا قازاقستاندىق ەدسون الاڭنان قۋىلدى.

6-توپتاعى كوماندالاردىڭ ناتيجەسى:

بەلارۋس - 6 ۇپاي (ءۇش ويىننان كەيىن)؛

قازاقستان - 3 ۇپاي (ەكى ويىننان كەيىن)؛

البانيا - 0 ۇپاي (ءبىر ويىننان كەيىن).

قازاقستان قۇراماسى كەلەسى ماتچىن 9-جەلتوقساندا ءوز الاڭىندا البانياعا قارسى وتكىزەدى.

نەگىزگى كەزەڭگە قاتىسۋشىلار ءۇش كوماندادان 12 توپقا بولىنگەن. ءار قۇراما قارسىلاستارىمەن ءوز الاڭىندا جانە سىرت الاڭدا كەزدەسەدى.

توپ جەڭىمپازدارى مەن ەكىنشى ورىن يەلەنگەن ۇزدىك ءتورت كوماندا ەليتالىق كەزەڭگە تىكەلەي شىعادى. ەكىنشى ورىن العان قالعان سەگىز قۇراما وتپەلى ماتچتاردا سىنعا تۇسەدى.

2028-جىلعى الەم چەمپيوناتىنىڭ ىرىكتەۋ كەزەڭى 2028-جىلعى ساۋىردە اياقتالادى. الەم بىرىنشىلىگىنە ەۋروپادان جەتى قۇراما قاتىسادى. ەگەر فينالدىق كەزەڭدى وتكىزۋ قۇقىعى ۋ ە ف ا قۇرامىنداعى ەلگە بەرىلسە، سول مەملەكەتتىڭ قۇراماسى تۋرنيرگە تىكەلەي جولداما الادى. مۇنداي جاعدايدا ىرىكتەۋ ارقىلى الەم چەمپيوناتىنا ەۋروپانىڭ التى كومانداسى شىعادى.