تۇزەۋ مەكەمەسىنىڭ قورشاۋىنان ۇيالى تەلەفوندى لاقتىرىپ وتكىزبەك بولعان اقتوبەلىكتەر ۇستالدى

اقتوبە. KAZINFORM - اقتوبەدە ۇلتتىق ۇلان ساربازدارى تۇزەتۋ مەكەمەسىنىڭ قورشاۋىن جاعالاپ، الدەبىر زات لاقتىرۋعا وقتالعان ادامداردى ۇستادى. ولاردىڭ ءبىرى ساربازدارمەن توبەلەسىپ تە قالعان.

وقيعا 8-قازان كۇنى كەشكىلىك ۋاقىتتا بولدى. قىلمىستىق- اتقارۋ جۇيەسى №8-مەكەمەسىنىڭ قاۋىپسىزدىگىن كۇزەتىپ جۇرگەن ۇلتتىق ۇلان جاۋىنگەرى قاتارداعى ماكسيم كيم 6 ادامنىڭ اۋلا جاعالاپ جۇرگەنىن كورەدى. ولار ءبىر ءسات ايالداپ، قورشاۋ ارقىلى الدەبىر زات لاقتىرماق بولادى.

- ماعان بەيتانىس ەكى ادام تاياپ كەلدى. ءوز اتى-ءجونىمدى ايتىپ، كۇزەتىلەتىن مەكەمەگە جاقىن بارۋعا بولمايتىنىن ەسكەرتتىم. بىردەن راتسياعا ەكى ادامنىڭ جاقىن كەلگەنىن ايتىپ، حابار بەردىم. ارتىمنان تاعى ءتورت ادام كەلىپ، ولار قورشاۋعا قاراي ءجۇردى. مەن سوڭىنان ءجۇرىپ، جاقىن جەردە جۇرگەن ساربازدارعا حابار بەردىم. سول جەردە توبەلەس بولىپ، بىرەۋىن ۇستاپ الدىم. وزگەلەرى جابىلىپ، سىتىلىپ كەتۋگە وقتالعانىمەن، مەنىڭ جانىما كەزەكشىلىكتە جۇرگەن وزگە ساربازدار كەلدى. ءبىز ءبىرىن ۇستاپ الىپ، پوليتسياعا تاپسىردىق. مەن ءوز اسكەري بورىشىمدى وتەدىم دەپ ويلايمىن، - دەدى ماكسيم كيم.

ق ر ءى ءى م ۇلتتىق ۇلانى «باتىس» وڭىرلىك قولباسشىلىعىنىڭ باسپا ءسوز قىزمەتىنىڭ حابارلاۋىنشا، ۇستالعان ادامدى ءتىنتۋ بارىسىندا قالتاسىنان ەكى ۇيالى تەلەفون جانە ەكى SIM كارتا تابىلدى. تاركىلەنگەن زاتتاردى انىقتاۋ جانە ودان ءارى پروتسەسسۋالدىق شەشىم قابىلداۋ ءۇشىن بارلىق ماتەريال اكىمشىلىك سوتقا جىبەرىلدى. ال «باتىس» وڭىرلىك قولباسشىلىعىنىڭ قولباسشىسى گەنەرال- مايور بەكايدار قازكەيەۆ جاۋىنگەرلىك قىزمەت بارىسىندا قىراعىلىق تانىتقان ساربازداردى ماراپاتتاپ، ولاردى قىسقا مەرزىمدى دەمالىسقا جىبەردى.

ايتا كەتەيىك، ۇلتتىق ۇلاندا قىزمەتتىك يتتەر 44 قىلمىستى اشۋعا كومەكتەستى.

اۆتور
التىناي ساعىندىقوۆا