تەڭىزدەگى تىرشىلىككە قاۋىپ ءتونىپ تۇر

سوڭعى 20 جىلدا انتاركتيداداعى تەڭىزدەردەن تەڭىز شايانى كريل اۋلاۋ كوبەيگەن. تەڭىزدەگى تەمپەراتۋرانىڭ كوتەرىلۋىنەن تەڭىز جاندىگى جويىلىپ كەتۋدىڭ از- اق الدىندا تۇر.

ماماندار وسىلاي دەپ دابىل قاعىپ وتىر. سەبەبى بۇل جاندىكتىڭ تۇتاس قۇرلىق ءۇشىن ماڭىزى زور. شايان تارىزدەس تەڭىز جاندىگى تەك مۇزدا تىرشىلىك ەتىپ، مۇزدا كوبەيەدى. مۇزدى مەكەندەگى بۇكىل تىرشىلىك يەسى ءدال وسى كريلمەن قورەكتەنەدى. انتاركتيدا مۇزدىقتارىنان ايىرىلاتىن بولسا، تەك ايۋ، پينگۆيندەر ەمەس، سونىمەن قاتار ءتۇرلى ۇساق جاندىكتەر، كيت پەن يتبالىقتاردىڭ، ءبىر سوزبەن ايتقاندا، تەڭىزدەگى تىرشىلىكتىڭ قۇردىمعا كەتۋ قاۋپى بار.

اندريا كاۆاناح، زەرتتەۋشى:

- كليماتتىڭ وزگەرۋى وڭتۇستىك مۇحيتتىڭ ەكوجۇيەسىنە وراسان زور زيان كەلتىرىپ وتىر. تەڭىزدەگى تەمپەراتۋرا كوتەرىلگەندىكتەن، مۇزدار دا ەريدى. ال تەڭىز مۇزى كريلل ءۇشىن وتە ماڭىزدى. الەمدەگى كريل اۋلاۋدىڭ %70 ءى نورۆەگيالىق اكەر بيومارين كومپانياسىنىڭ ۇلەسىندە. كومپانيا كۇنىنە 500 توننا اۋلاپ، «ومەگا 3» دارۋمەنىن وندىرۋمەن اينالىسادى.

مەتت دجوحانسەن، اكەر بيو- مارين وكىلى:

- كەي ادامدار بالىق اۋلاۋعا تىيىم سالۋ كەرەك دەيدى. ەگەر شىنىمەن دە بالىق اۋلاۋدى شەكتەيتىن بولسا، الداعى 30 جىلدا ادام اعزاسىنا 50 ميلليون تونناداي اقۋىز جەتىسپەيتىن ەدى. ال كريل - اقۋىزعا باي جاندىك. سوندىقتان ءبىز اقۋىزدىڭ باسقا كوزدەرىن ىزدەۋىمىز قاجەت. انتاركتيدانىڭ تەڭىزدەگى ءتىرى رەسۋرستاردى قورعاۋ جونىندەگى كەڭەسى وتىرىس وتكىزبەك. وعان 27 ەلدىڭ وكىلى قاتىسادى. باسقوسۋ كريل جاندىگىن ساقتاۋ جونىندە جاڭا كەلىسسوزدەر جۇرگىزۋگە ارنالماق.

www.24.kz