تىيىم سالىنعان بيزنەس تۇرىمەن اينالىسىپ، قىرۋار اقشا تاپقان ادام سوتتالدى

ەكى جارىم جىلعا جۋىق ۋاقىت بويى تىيىم سالىنعان بيزنەس تۇرىمەن اينالىسقان ادام 2 ميلليارد تەڭگە تابىس تاپقان، - دەپ حابارلايدى Massaget.kz ءتىلشىسى.

سوتتىڭ انىقتاعانى:

سوتتالۋشى سايتتىڭ كومەگىمەن قامتاماسىز ەتىلمەگەن سيفرلىق اكتيۆتەردى Bitcoin, Litecoin جانە Ethereum ساتىپ الۋ جانە ساتۋ ءۇشىن پايدالانعان.

سوتتالۋشى Nixmoney, Qiwi, Perfect Money, Payەەr، ADVCASH Qiwi, Zolotaya Korona, Contact, VISA/Mastercard شەتەلدىك تولەم جۇيەلەرىنىڭ پلاتفورمالارىندا قولما- قول ەمەس شەتەل ۆاليۋتاسىن (ا ق ش دوللارى، رۋبل) زاڭسىز اينالىمنان جانە ايىرباستاۋدان زاڭسىز كىرىس العان.

وعان 2 ميلليارد تەڭگەدەن استام كىرىس تۇسكەن. كەيىننەن سوتتالۋشى ولاردى جىلجىمايتىن مۇلىكتى ساتىپ الۋ جانە ودان ءارى ساتۋ جانە جالعا بەرۋ ارقىلى زاڭداستىرعان.

تاراپتاردىڭ ۇستانىمى:

پروكۋرور ق ك- ءنىڭ 214-بابىنىڭ 2-بولىگىمەن 2,5 -جىلعا باس بوستاندىعىنان ايىرۋدى، ق ك- ءنىڭ 218-بابىنىڭ 3-بولىگىنىڭ 3-تارماعى بويىنشا - مۇلكىن تاركىلەۋمەن 4 جىلعا باس بوستاندىعىنان ايىرۋدى سۇرادى.

قىلمىستىق كودەكستىڭ 50-بابى بويىنشا 10 جىل مەرزىمگە سيفرلىق اكتيۆتەردىڭ اينالىمىنا، سيفرلىق تاۋ- كەن وندىرۋگە بايلانىستى قىزمەتپەن اينالىسۋ قۇقىعىنان ايىرۋ جازاسى قاراستىرىلادى.

سوتتالۋشى ءوز كىناسىن مويىنداماي، ازاماتتىق تالاپتى مويىندامادى.

سوت القاسى سوتتالۋشىعا قىلمىستىق كودەكستىڭ 218-بابىنىڭ 3-بولىگىنىڭ 3-تارماعى بويىنشا (قىلمىستىق جولمەن الىنعان كىرىستەردى جىلىستاتۋ) جانە ق ك- ءنىڭ 214-بابىنىڭ 2-بولىگىنىڭ 2-تارماعىمەن (اسا ءىرى مولشەردەگى كىرىستى زاڭسىز جولمەن الۋ ارقىلى زاڭسىز كاسىپكەرلىك قىزمەتپەن اينالىسۋ) مۇلكى تاركىلەنىپ، 5 -جىلعا باس بوستاندىعىنان ايىرۋ تۇرىندەگى تۇپكىلىكتى ۇكىم شىعاردى.

وعان 10 جىل مەرزىمگە تسيفرلىق اكتيۆتەردى شىعارۋعا جانە ساتۋعا جانە سيفرلىق ماينينگكە تىيىم سالىنادى.

قىلمىستىق ارەكەت ناتيجەسىندە الىنعان 2 ميلليارد تەڭگەدەن استام كىرىس سوتتالۋشىدان مەملەكەتكە ءوندىرىلدى. سوتتالۋشى سوت زالىندا قاماۋعا الىندى.

massaget.kz