پەتيتسيانى قالاي بەرۋگە بولادى
مادەنيەت جانە اقپارات مينيسترلىگى «پەتيتسيا بويىنشا جازباشا ارىزداردىڭ نىسانىن بەكىتۋ تۋرالى» بۇيرىقتىڭ جوباسىن ازىرلەپ، اشىق تالقىعا شىعاردى، دەپ حابارلايدى Kazinform.

قۇجاتقا ساي، ءوتىنىش بەرۋ ءۇشىن مەملەكەت پەن ازاماتتىق قوعامنىڭ ءوزارا ءىس-قيمىلى سالاسىنداعى ۋاكىلەتتى ورگانعا ارنايى ءتارتىپ بويىنشا ءوتىنىش بەرۋ قاجەت.
وندا مىنا دەرەكتەر كورسەتىلۋگە ءتيىس:
- تەگى، اتى، اكەسىنىڭ اتى؛
- جەكە سايكەستەندىرۋ ءنومىرى (ج س ن)؛
- ناقتى تۇرعىلىقتى مەكەنجايى؛
- تىركەۋدە تۇرعان جەرىنىڭ مەكەنجايى؛
- بايلانىس تەلەفونى.
سونداي-اق وتىنىشتە پەتيتسيا مازمۇنى مەن اتاۋى جازىلۋى ءتيىس.
بۇعان قوسا وندا قۇجاتتى ينتەرنەت- رەسۋرسقا ورنالاستىرۋعا رۇقسات بەرۋ سۇرالادى.
وتىنىشكە تومەندەگى قۇجاتتار قوسا بەرىلەدى:
- جەكە كۋالىكتىڭ كوشىرمەسى؛
- وكىلدىڭ ءتيىستى وكىلەتتىكتەرىن راستايتىن قۇجاتتىڭ كوشىرمەسى (ەگەر ءوتىنىش ازاماتتىڭ زاڭدى وكىلى ارقىلى بەرىلسە).
توقتالا كەتەيىك، بۇل رەتتە ءوتىنىش بەرۋشى ۇسىنىلعان اقپاراتتىڭ دۇرىستىعىن راستاپ، دەربەس دەرەكتەرىن وڭدەۋگە كەلىسىم بەرەدى.
وسى كەزەڭدە وعان مالىمەتتىڭ ناقتىلىعى ءۇشىن ق ر زاڭناماسىنا سايكەس جاۋاپتى بولاتىنى ەسكەرتىلەدى.
مۇنىمەن قاتار، ينتەرنەت-رەسۋرستا پەتيتسياعا قوسىلۋ تۋرالى ءوتىنىشتىڭ ۇلگىسى ازىرلەندى.
وندا دا وسى جوبا بويىنشا ءوتىنىش جولداۋعا بولادى.
«ەلەكتروندى جولدانىمدار» اقپاراتتىق-تالداۋ جۇيەسى قازاقستان رەسپۋبليكاسىنىڭ ازاماتتارمەن پەتيتسيا جولداۋعا ارنالعان ينتەرنەت- رەسۋرس رەتىندە ايقىندالسىن»، - دەلىنگەن اشىق ن ق ا پورتالىندا جاريالانعان ءمينيستردىڭ بۇيرىق-جوباسىندا.