«تيتان» باتيسكافىندا قازا بولعان ميللياردەر وتباسىنا نە قالدىردى
استانا. KAZINFORM - «تيتان» باتيسكافىندا قازا تاپقان پاكىستاندىق- بريتاندىق كاسىپكەر وسيەتىنىڭ جوقتىعىنان ايەلى مەن بالاسىنا وراسان بايلىعىنىڭ از عانا بولىگىن قالدىردى
بۇل تۋرالى Kazinform اگەنتتىگىنىڭ مەنشىكتى ءتىلشىسى Unilad كە سىلتەمە جاساپ حابارلايدى.
2023 -جىلدىڭ شىلدەسىندە اتلانت مۇحيتىندا «تيتانيكتىڭ» باتىپ قالعان جەرىنە ەكسكۋرسيا جاساۋ كەزىندە شامامەن 12500 فۋت (3810 م) تەرەڭدىككە تۇسكەن «تيتان» باتيسكافىندا جارىلىس بولىپ، سالدارىنان بەس ادام قازا تاپتى. قايعىلى وقيعا ميللياردەر شاحزادا داۋد پەن ونىڭ 19 جاستاعى ۇلى سۇلەيمان داۋدتىڭ ءومىرىن قيدى. بيزنەس يمپەرياسىنىڭ باسشىسى پاكىستاننىڭ جىلدىق اينالىمى 1,3 ميلليارد فۋنت ستەرلينگ جانە ميللياردتاعان اكتيۆتەرى بار ەڭ باي وتباسىلارىنىڭ ءبىرىنىڭ مۇراگەرى ەدى.
كاسىپكەر «engro Corporation» تىڭايتقىشتار، ازىق- تۇلىك جانە ەنەرگەتيكالىق كومپانيا ءتوراعاسىنىڭ ورىنباسارى، «Dawood Hercules Corporation» حيميكاتتار ساتۋ جانە SETI كوممەرتسيالىق ەمەس زەرتتەۋ ينستيتۋتىنىڭ سەنىمدى وكىلى بولدى.
ونىڭ ۇلى اكەسىمەن بىرگە كاراچيدەگى (پاكىستان) وتباسىلىق بيزنەستى بىرگە جۇرگىزىپ، گلازگوداعى (شوتلانديا) ستراتكلايد ۋنيۆەرسيتەتىندە بيزنەستى تالداۋ جانە ادام رەسۋرستارىن باسقارۋ بويىنشا ءبىلىم العان.
الايدا بريتاندىق سۋررەي گرافتىعىندا تۇراتىن جەسىر ايەل كريستينا داۋد پەن قىزى اليناعا نەبارى 76958 فۋنت ستەرلينگ (93900 دوللار) اقشا تولەندى. شاحزادا داۋدتىڭ وسيەت قالدىرماي قايتىس بولۋى ونىڭ وتباسى مۇشەلەرىنە مۇراسىن الۋعا مۇمكىندىك قالدىرمادى.
وسيەتتە شاحزادا داۋدتىڭ تۇراقتى تۇرعىلىقتى جەرى پاكىستان بولعانى، سوندىقتان ونىڭ بايلىعىنىڭ نەگىزگى بولىگى ۇلى بريتانيادان تىس جەردە قالعانى ايتىلعان.
ەسكە سالساق، كەمە اپاتى ول سۇڭگىگەننەن كەيىن 1 ساعات 45 مينۋتتان كەيىن بولدى. ا ق ش جاعالاۋ كۇزەتى سىنىقتارىن ءتورت كۇننەن كەيىن «تيتانيكتىڭ» تۇمسىعىنان 500 مەتردەي جەردە تاپتى.
