تۋىسى پىشاقتاپ تاستاعان استانالىق اعايىندىلاردىڭ جاعدايى بەلگىلى بولدى

استانا. KAZINFORM - ەلوردادا جاس جىگىت 4 ادامدى پىشاقتاعان. ونىڭ بىرەۋى وقيعا ورنىندا مەرت بولدى، قالعان ۇشەۋى قازىر اۋرۋحانادا جاتىر.

Атырауда түн ортасында мопед қаққан 28 жастағы әйел ауруханада көз жұмды
Фото: pexels.com

قالالىق دەنساۋلىق ساقتاۋ باسقارماسىنىڭ مالىمەتىنشە، جەدەل جاردەم جاراقات العان جانداردى № 1 كوپسالالى قالالىق اۋرۋحاناعا جەتكىزدى.

- تەكسەرۋ ناتيجەسىندە 1964 - جىلعى ايەلدىڭ دەنەسىنىڭ ءارتۇرلى بولىكتەرىندە بىرنەشە جەردەن تەسىلگەن جارالار انىقتالدى، سونىمەن قاتار سول جاقتاعى قابىرعا سىنعان. اۋرۋحاناعا اۋىر جاعدايدا جاتقىزىلدى جانە وپەراتسيا جاسالدى، قازىر پاتسيەنت قارقىندى تەراپيا بولمەسىندە جاتىر. سونداي- اق 1974 - جىلى تۋعان ايەلدىڭ دەنەسى پىشاقپەن ءارتۇرلى جەردەن تەسىلگەن، دەنەسى كوگەرگەن، سول سياقتى باس جاراقاتىن العان جانە وڭ جاق قابىرعاسى سىنعان. جالپى جاعدايى ورتاشا، تۇراقتى، - دەلىنگەن حابارلامادا.

ودان بولەك، 18 جاستاعى قىز زارداپ شەككەن. ەلوردالىق دارىگەرلەر ونىڭ دا بىرنەشە جەردەن پىشاق جاراقاتىن العانىن ايتىپ وتىر، قازىر پاتسيەنت اۋرۋحانادا حيرۋرگيا بولىمىنە جاتىر.

- جالپى جاعدايى ورتاشا، تۇراقتى، - دەيدى دەنساۋلىق ساقتاۋ باسقارمادان.

بۇعان دەيىن حابارلاعانىمىزداي، ەلوردادا 21 جاستاعى جىگىت ءتورت بىردەي تۋىسىن پىشاقتاپ تاستاعان.

وقيعاعا كۋا بولعانداردىڭ ايتۋىنشا، ۇيدەگى جانجال Free Fire ويىنىنان تۋىنداعان. مۇستافين 21\5 مەكەنجايىنداعى ۇيدە تاڭعى ساعات 4.00 كەزىندە 21 جاستاعى تۇرعىننىڭ تەلەفونىن ۇيدەگى تۋىستارى تارتىپ الادى. سوعان اشۋلانعان جىگىت تۋىستارى ۇيقىعا كەتكەن كەزدە پىشاقپەن شابۋىلداعان. سالدارىنان 1997 - جىلعى اعاسى وقيعا ورنىندا جان تاپسىرعان. ال قالعان 3 ادام اۋىر جاراقاتپەن اۋرۋحاناعا تۇسكەن.

سوڭعى جاڭالىقتار