تىرىدەي جىلان جۇتقان ەر ادام ايىپپۇل ارقالادى

استانا. KAZINFORM - وزبەكستاننىڭ جىزاق وبلىسىندا ەر ادام تىرىدەي جىلان جۇتقانى ءۇشىن ايىپپۇل تولەدى، - دەپ حابارلايدى podrobno.uz سايتى.

Фото: podrobno.uz
Фото: podrobno.uz

وزبەكستاننىڭ جىزاق وبلىسىندا ەر ادام جىلاندى تىرىدەي جەگەن ۆيدەوسىن جەلىگە جۇكتەپ سالعان. ۆيدەو الەۋمەتتىك جەلىدە تاراپ كەتىپ، وبلىستىق ەكولوگيا، قورشاعان ورتانى قورعاۋ جانە كليماتتىق وزگەرىستەر دەپارتامەنتىنىڭ نازارىن اۋداردى.

تابيعاتتى قورعاۋ اگەنتتىگىنىڭ قىزمەتكەرلەرى ءتارتىپ ساقشىلارىمەن بىرلەسىپ، جىلان جەگەن ازاماتتىڭ جەكە باسىن انىقتادى. ونىڭ بۇل ارەكەتى «جانۋارلار دۇنيەسىن قورعاۋ جانە پايدالانۋ تۋرالى» زاڭ تالاپتارىن بۇزۋ دەپ سانالدى. مامانداردىڭ ايتۋىنشا، تابيعاتقا كەلتىرىلگەن شىعىن 1,1 ميلليون سۋمدى قۇراعان.

اكىمشىلىك جاۋاپكەرشىلىك تۋرالى كودەكستىڭ 90-1-بابى «اڭ اۋلاۋ ەرەجەلەرىن بۇزۋ، بالىق اۋلاۋ جانە جانۋارلار دۇنيەسىن پايدالانۋدىڭ باسقا دا تۇرلەرىن بۇزۋ» نەگىزىندە ەر ادامعا 7,5 ميلليون سۋم ايىپپۇل سالىندى.

ەسكە سالايىق، بۇعان دەيىن وزبەكستاندىق دارىگەرلەر ەكى جاسار ساميرا ەسىمدى قىزدىڭ اسقازانىنان 135 ماگنيتتىك شاردى الىپ شىققانىن جازعان ەدىك.

 

سوڭعى جاڭالىقتار