پۋتين: رەسەي مەن ا ق ش اراسىنداعى بايلانىستىڭ قايتا جاندانۋىن ءبارى قۇپتاي بەرمەيدى
استانا. KAZINFORM - رەسەي فەدەراتسياسىنىڭ پرەزيدەنتى ۆلاديمير پۋتين ف ق ق القاسىنىڭ وتىرىسىندا ءسوز سويلەدى، دەپ حابارلايدى Kazinform ت ا س س اگەنتتىگىنە سىلتەمە جاساپ.
- ءبىز رەسەي مەن ا ق ش اراسىنداعى بايلانىستاردىڭ قايتا جاندانۋىن ءبارى بىردەي قۇپتاي بەرمەيتىنىن تۇسىنەمىز. باتىس ەليتاسىنىڭ ءبىر بولىگى الەمدەگى تۇراقسىزدىقتى ساقتاپ قالۋعا مۇددەلى بولىپ وتىر. بۇل كۇشتەر باستالعان ديالوگتى بۇزۋ نەمەسە بەدەلىن تۇسىرۋگە تىرىسادى. ءبىز مۇنى ەسكەرۋىمىز كەرەك جانە وسىنداي ارەكەتتەردىڭ جولىن كەسۋ ءۇشىن ديپلوماتيا مەن ارنايى قىزمەتتەردىڭ بارلىق مۇمكىندىگىن پايدالانۋىمىز قاجەت، - دەدى ۆلاديمير پۋتين.
بۇعان دەيىن ترامپ اقپان ايىنىڭ سوڭىنا دەيىن پۋتينمەن كەزدەسۋى مۇمكىن ەكەنىن مالىمدەگەن بولاتىن.
ايتا كەتەيىك، 18-اقپاندا ساۋد ارابياسىنىڭ ەر- رياد قالاسىندا رەسەي مەن ا ق ش دەلەگاتسيالارى اراسىندا كەلىسسوزدەر ءوتتى، ولار شامامەن 4 ساعاتقا سوزىلدى.
