پۋتين مەن لۋكاشەنكو قازاقستان پرەزيدەنتىنە كوڭىل ايتتى
رەسەي فەدەراتسياسى مەن بەلارۋس پرەزيدەنتتەرى قاراعاندى وبلىسىنداعى شاحتادا بولعان قايعىلى وقيعاعا بايلانىستى قاسىم-جومارت توقايەۆقا كوڭىل ايتتى، دەپ حابارلايدى Kazinform.
رەسەي پرەزيدەنتى ۆلاديمير پۋتين قاسىم-جومارت توقايەۆقا قاراعاندى وبلىسىنداعى كومىر شاحتاسىنداعى 33 ادام قازا تاپقان اپاتقا بايلانىستى كوڭىل ايتتى.
«قازا بولعان كەنشىلەردىڭ وتباسىلارىنا كوڭىل ايتىپ، قولداۋ بىلدىرەتىنىمىزدى جەتكىزۋىڭىزدى سۇرايمىن. جەر استىندا قالعان شاحتەرلەر قۇتقارىلادى دەپ ۇمىتتەنەمىز»، - دەپ جازدى تاسس اگەنتتىگى.
بەلارۋس پرەزيدەنتى الەكساندر لۋكاشەنكو دا قازاقستان پرەزيدەنتىنە كوڭىل ايتۋ جەدەلحاتىن جولدادى.
«بەلارۋس رەسپۋبليكاسى قازاقستاننىڭ قاراعاندى وبلىسىنداعى كومىر شاحتاسىندا بولعان اپات سالدارىنان ادامداردىڭ قايعىلى قازاسى تۋرالى حاباردى كۇيزەلە قابىلدادى. بەلارۋس حالقى قازاقستاندىقتارمەن بىرگە باسقا تۇسكەن قيىندىق پەن ورنى تولماس قازانىڭ قايعىسىن بولىسەدى»، - دەپ جازدى بەلارۋستىڭ بەلتا اگەنتتىگى.
