پۋتين بەيجىڭگە بارىپ، شي جينپيڭمەن كەلىسسوز جۇرگىزۋدى جوسپارلاپ وتىر

رەسەي پرەزيدەنتى ۆلاديمير پۋتين مەن ق ح ر ءتوراعاسى شي جينپيڭ قازاندا بەيجىڭدە كەلىسسوز جۇرگىزۋى ىقتيمال.

بۇل تۋرالى ر ف قاۋىپسىزدىك كەڭەسىنىڭ حاتشىسى نيكولاي پاترۋشيەۆ ستراتەگيالىق قاۋىپسىزدىك بويىنشا رەسەي-قىتايلىق كەڭەستە ءمالىم ەتتى، دەپ حابارلايدى قازاقپارات تاسسقا سىلتەمە جاساپ.

«قازاندا رەسەي پرەزيدەنتى «ءبىر بەلدەۋ - ءبىر جول» حالىقارالىق فورۋمىنا قاتىسىپ، ق ح ر ءتوراعاسى شي جينپيڭمەن بەيجىڭدە ەكىجاقتى كەلىسسوز جۇرگىزەدى دەگەن جوسپار بار»، - دەدى ول.

پاترۋشيەۆ ماسكەۋ مەن بەيجىڭنىڭ قارىم-قاتىناسى سىيلاستىق، ءبىر-ءبىرىنىڭ ىشكى ىسىنە ارالاسپاۋ، حالىقارالىق ارەنادا ءوزارا قولداۋعا نەگىزدەلگەنىن جانە «باعالى ءارى سىرتقى جاعداياتتان تىسقارى» ەكەنىن اتاپ ءوتتى.

«ءبىر بەلدەۋ - ءبىر جول» باستاماسىن 2013-جىلى شي جينپيڭ كوتەردى، ول باياعى جىبەك جولىن جاڭعىرتۋدى كوزدەيدى. ماقساتى - قىتايدىڭ ورتا ازيا، تاياۋ شىعىس، ەۋروپا، افريكا مەن باسقا دا ءوڭىر نارىقتارىنا شىعىپ، كوپتەگەن ەلدى قاتىستىرا وتىرىپ، قىزىعۋشىلىق تانىتقان مەملەكەتتەردىڭ كاپيتالىن پايدالانىپ، حالىقارالىق ساۋدا-ينۆەستيتسيا جوبالارىن جۇزەگە اسىرۋ. باستاماعا 150 دەن استام مەملەكەت پەن حالىقارالىق ۇيىم قوسىلعان.