پۋتين بەسىنشى رەت رەسەي پرەزيدەنتى قىزمەتىنە رەسمي كىرىستى

استانا. kazinform - ۆلاديمير پۋتين جاڭا التى جىلدىق مەرزىمگە رەسەي پرەزيدەنتى قىزمەتىنە رەسمي تۇردە كىرىستى. بۇل تۋرالى كونستيتۋتسيالىق سوت ءتوراعاسى ۆالەري زوركين مالىمدەدى، دەپ حابارلايدى ت ا س س.

پۋتين حالىققا انت بەردى.

زوركين پۋتينگە پرەزيدەنتتىك بيلىكتىڭ نىشاندارىن، ونىڭ ىشىندە پرەزيدەنتتىك توسبەلگى - رەسەي فەدەراتسياسىنىڭ ەلتاڭباسى بەينەلەنگەن جانە التىن شىنجىردا «يگىلىك، ابىروي جانە داڭق» ۇرانى بەينەلەنگەن التىن گەورگيي كرەستى تابىس ەتتى.

قىزمەتكە كىرىسۋ تۋرالى مالىمدەمەدەن كەيىن مەملەكەت باسشىسى ءسوز سويلەۋى ءتيىس.

بۇل - پۋتيننىڭ مەملەكەت باسشىسى رەتىندە بەسىنشى مەرزىمى.

ونىڭ العاشقى ەكى مەرزىمى ءتورت جىلعا سوزىلدى، رەسەي كونستيتۋتسياسىنا تۇزەتۋ ەنگىزىلگەننەن كەيىن مەملەكەت باسشىسىنىڭ مانداتى 6 جىلعا دەيىن ۇزارتىلدى.

پۋتين ءوزىنىڭ العاشقى التى جىلدىق مەرزىمىن 2012 -جىلى، ال ەكىنشى مەرزىمىن 2018 -جىلدان باستاپ اتقاردى.

2020 -جىلى نەگىزگى زاڭعا ەنگىزىلگەن وزگەرىستەردەن كەيىن ول 2024 -جىلعى سايلاۋعا قاتىسىپ، رەكوردتىق %87,28 داۋىسپەن جەڭىسكە جەتتى.

پۋتيننىڭ قازىرگى وكىلەتتىگى 2030 -جىلدىڭ 7-مامىرىندا اياقتالادى.