تەيلور سۆيفتىڭ كونتسەرتىندە تىڭدارماندار تۋرا ماعىناسىندا جەردى ءدۇر سىلكىندىردى
استانا. KAZINFORM - امەريكالىق پوپ-جۇلدىز تەيلور سۆيفت وتكەن دەمالىس كۇندەرى شوتلانديانىڭ استاناسىندا ءۇش كونسەرت بەرىپ، ءبىر جىل بۇرىنعىداي جەردى تاعى ءدۇر سىلكىندىردى، دەپ حابارلايدى BBC.

دالىرەك ايتقاندا، جەر بەتىنىڭ دىرىلدەۋىنە ءانشىنىڭ جانكۇيەرلەرى سەبەپ بولدى، ءانشى ولاردى بيلەۋگە جانە تەبىنۋگە بەلسەندى تۇردە شاقىردى.
مونيتورينگ جۇرگىزۋ ستانسالارى سەيسميكالىق بەلسەندىلىكتى تىركەدى، ول كونسەرت وتكەن جەردەن 6 شاقىرىم قاشىقتا سەزىلدى.
ءانشىنىڭ جانكۇيەرلەرى اسىرەسە مىنا ءۇش ءاندى ورىنداۋ كەزىندە قاتتى ابىگەر تۋعىزدى: Cruel Summer، Ready For It؟ جانە Champagne Problems.
جۇما كۇنى ەدينبۋرگتە 73 مىڭ كورەرمەندى جيناعان ءۇش كونسەرتتىڭ ءبىرىنشىسى ەڭ شۋلىسى بولدى.
سەيسميكالىق بەلسەندىلىكتىڭ كوپ بولىگى اياقتىڭ تەبىنۋىنەن تۋىندادى، ءبىراق داتچيكتەر ءانشىنىڭ Champagne Problems تۋىندىسىن ورىنداعاننان كەيىن ءتورت مينۋتتىق دۋ قول شاپالاقتى دا تىركەدى.
بۇل - ءانشى جانكۇيەرلەرىنىڭ جەردى ءبىرىنشى رەت ءدۇر سىلكىندىرۋى ەمەس: سەيسميكالىق تەربەلىس سۆيفتىڭ سيەتل مەن لوس- اندجەلەستە گاسترولدىك ساپارىندا دا بولعان.
سيەتلدەگى كونسەرتتە 2,3 بالدىق جەر سىلكىنىسىمەن تەڭ بەلسەندىلىك تىركەلدى.