تەيلور سۆيفت Time جۋرنالى نۇسقاسى بويىنشا جىل ادامى اتاندى

امەريكالىق Time جۋرنالى ءانشى تەيلور سۆيفتتى جىل ادامى دەپ تانىدى. Kazinform بۇل تۋرالى Euronews-كە سىلتەمە جاساپ حابارلايدى.

«بۇل ماراپات مەملەكەت باسشىلارى مەن يندۋستريا الىپتارىنا ءجيى بۇيىراتىن»، - دەپ اتاپ ءوتتى Time باس رەداكتورى سەم دجەيكوبس.

ونىڭ سوزىنشە، سۆيفت ەشتەڭەگە قاراماستان شەكارانى بۇزىپ، كوزگە ءتۇسۋدىڭ جولىن تاپتى.

«ول - ءبىر ۋاقىتتا شىعارماشىل تۇلعا جانە ءوز وقيعاسىنىڭ كەيىپكەرى بولا الاتىن سيرەك ادام»، - دەپ مالىمدەدى دجەيكوبس.

فيناليستەردىڭ قورىتىندى تىزىمىندە سۆيفت رەسەي مەن قىتاي كوشباسشىلارى ۆلاديمير پۋتين مەن شي جينپيڭدى، بريتانيا كورولى كارل III پەن باربيدى باسىپ وزدى.

قازىرگى ۋاقىتتا تەيلور سۆيفت تۋرنەمەن الەمدى شارلاپ ءجۇر. بۇل قازىردىڭ وزىندە ورىنداۋشىنىڭ ەڭ تابىستى گاسترولدىك ساپارى بولىپ تۇر.