ۋتيلالىم ماسەلەلەرى بويىنشا پەتيتسيانى قاراۋ جونىندەگى جۇمىس توبىنىڭ وتىرىسى ءوتتى
استانا. KAZINFORM - ق ر ونەركاسىپ جانە قۇرىلىس مينيسترلىگىنىڭ الاڭىندا ۋتيلالىمىنا قاتىستى پەتيتسيانى قاراۋ جونىندەگى جۇمىس توبىنىڭ وتىرىسى ءوتتى.

جۇمىس توبىنىڭ قۇرامىنا دەپۋتاتتار، ونەركاسىپ جانە قۇرىلىس، ەكولوگيا جانە تابيعي رەسۋرستار، اۋىل شارۋاشىلىعى مينيسترلىكتەرىنىڭ ۆيتسە- مينيسترلەرى، ىشكى ىستەر، مادەنيەت جانە اقپارات، ۇلتتىق ەكونوميكا، سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىكتەرىنىڭ، جاسىل دامۋ» ا ق، «قازاقستاننىڭ اۆتوكولىك وداعى» ز ت ب، «قازاقستاننىڭ ونەركاسىپتىك ينۆەستورلار وداعى» ز ت ب، «قازاقستاننىڭ تاۋەلسىز بيزنەس وداعى» ز ت ب وكىلدەرى كىردى. سونىمەن قاتار پەتيتسيا باستاماشىلارى قاتارىنان «رەسپۋبليكالىق قايتالاما مەتاللۋرگيا ونەركاسىپشىلەر وداعى» اسسوتسياتسيالارى، دەربەس اۆتوموبيل وداعى جانە «ادىلدىك ءۇشىن» ق ق وكىلدەرى ەندى.
وتىرىستى كىرىسپە سوزىمەن اشقان ۆيتسە- مينيستر پەتيتسياعا 50 مىڭ ادام قول قويعانىن جانە ونى قاراۋ ءارى ءتيىمدى تالقىلاۋ، سونداي- اق بارلىق تاراپتىڭ مۇددەلەرىنە ساي كەلەتىن شەشىمدەردى ازىرلەۋ ءۇشىن جان- جاقتى قاراۋ ماڭىزدى ەكەنىن اتاپ ءوتتى.
پەتيتسيا باستاماشىسى ءوز سوزىندە ۋتيل الىمىنىڭ ەكونوميكا سالالارىنا، اتاپ ايتقاندا اۆتوموبيل ونەركاسىبىنە، قۇرىلىس، جول جانە ارنايى تەحنيكا وندىرىسىنە تيگىزەتىن اسەرى تۋرالى ايتتى. باسقوسۋ بارىسىنداعى پىكىرتالاس اياسىندا ونىڭ ۋتيل الىمى پروتسەدۋراسى ارقىلى جينالعان قاراجاتتى بولۋدەگى اشىقتىق تاقىرىبىن، سونداي-اق قازاقستاندىق اۆتوموبيل ونەركاسىبىنىڭ دامۋ بولاشاعى مەن ونىڭ قازىرگى جاعدايىن قوزعادى.
اتاپ ايتقاندا، ءوندىرۋشى كومپانيالاردىڭ وكىلدەرى ۋتيل الىمى الىنىپ تاستالسا، جۇمىس ورىندارى قىسقارتىلاتىنىنا الاڭداۋشىلىق ءبىلدىردى. ولار قازىرگى ۋاقىتتا تۇراقتى جانە باسەكەگە قابىلەتتى جالاقىمەن، الەۋمەتتىك پاكەتپەن جانە بىلىكتىلىگىن ارتتىرۋ مۇمكىندىگىمەن قامتاماسىز ەتىلگەن اۆتوموبيل ونەركاسىبى مەن ونىمەن بايلانىستى سالالاردا وتە كوپ جۇمىسشى قىزمەت ەتەتىنىن ەسكە سالدى.
جينالىستىڭ سوڭىندا ولجاس ساپاربەكوۆ ونىڭ قاتىسۋشىلارى ەڭ الدىمەن ۋتيل الىمىنىڭ وزگەرىستەرى مەن پەرسپەكتيۆالارىن تالقىلاعانىن اتاپ ءوتتى. ودان بولەك، جۇمىس توبى مۇشەلەرىنىڭ الداعى ۋاقىتتا وڭىرلەردەگى زاۋىتتارعا ساپارلارى كەستەسى بەكىتىلدى. وسىلايشا جۇمىس توبىنىڭ مۇشەلەرى كوكشەتاۋ قالاسىنداعى «ك ا ي ك» ج ش س، «Kazrost Engineering LTD» جانە «كاماز- ينجينيرينگ» ا ق، الماتىداعى «Hyundai Trans Auto» ج ش س جانە «Hyundai Trans Kazakhstan» ج ش س، سەمەيدەگى «SemAZ» ج ش س جانە «Daewoo Bus Kazakhstan» ج ش س، سونداي- اق قوستانايداعى «سارىاركااۆتوپروم» ج ش س، «م ت ز- قازاقستان ماشيناجاساۋ زاۋىتى» ج ش س مەن «اگروماشحولدينگ KZ» ا ق بارادى.