تيكتوكتا اسكەريلەردىڭ قازاسىنا قاتىستى ورىنسىز پىكىر ايتقان تۇرعىن جازالاندى

پوليتسيا قىزمەتكەرلەرى الەۋمەتتىك جەلىلەرگە مونيتورينگ جۇرگىزۋ بارىسىندا TikTok جەلىسىندەگى تىكەلەي ەفيردى انىقتادى.

ەفير كەزىندە شىمكەنت قالاسىنىڭ 21 جاستاعى تۇرعىنى بەردىباي نۇراحمەت كورەرمەننىڭ قارالى كۇنگە قاتىستى سۇراعىنا جاۋاپ بەرۋ بارىسىندا قوعامعا قۇرمەتسىزدىك تانىتاتىن سوزدەر ايتقان. ەفيرگە سونداي-اق 22 جاستاعى مۋسۋرمانقۇل ابزال مەن مۇستافا باقداۋلەت قاتىسقان.

- سوت شەشىمىمەن بەردىباي نۇراحمەت 10 تاۋلىككە اكىمشىلىك قاماۋعا الىندى. سونىمەن قاتار ءۇش ازاماتقا دا قوعامعا جات مىنەز-قۇلىققا جول بەرمەۋ تۋرالى رەسمي ەسكەرتۋ بەرىلىپ، ولار ءبىر اي مەرزىمگە ىشكى ىستەر ورگاندارىنىڭ پروفيلاكتيكالىق ەسەبىنە قويىلدى، - دەپ حابارلادى شىمكەنت قالاسىنىڭ پوليتسيا دەپارتامەنتى.

بۇعان دەيىن شىمكەنتتە TikTok-تا بالاعات ءسوز ايتقان ءتورت بلوگەردىڭ اكىمشىلىك جاۋاپكەرشىلىككە تارتىلعانىن حابارلاعان ەدىك.