تيكتوكتا 8 مينۋت ۋاقىت وتكىزۋدىڭ ءوزى پسيحيكاعا كەرى اسەر ەتۋى مۇمكىن - عالىمدار دابىل قاقتى

استانا. قازاقپارات - زەرتتەۋگە اۆستراليا ۋنيۆەرسيتەتىنىڭ ءبىرىنشى كۋرس ستۋدەنتتەرى، جالپى سانى 273 ادام قاتىسقان.

TikTok-تا 8 مينۋت كونتەنت قاراۋدىڭ ءوزى ادامعا كەرى اسەر ەتۋى مۇمكىن. بۇل - چارلز ستيۋارت ۋنيۆەرسيتەتىنىڭ عالىمدارى جۇرگىزگەن زەرتتەۋ ناتيجەسى.

TikTok-تاعى كەي كونتەنتتەر پسيحيكالىق دەنساۋلىققا زيان كەلتىرۋى مۇمكىن، - دەپ مالىمدەدى زەرتتەۋ اۆتورلارى.

چارلز ستيۋارت ۋنيۆەرسيتەتى (اۆستراليا) زەرتتەۋشىلەرىنىڭ ايتۋىنشا، TikTok پلاتفورماسىندا كوپ ۋاقىت وتكىزۋ، اسىرەسە انورەكسيانى ناسيحاتتايتىن كونتەنتتى قاراۋ، ايەلدەردىڭ ءوزىن-ءوزى باعالاۋىنا كەرى اسەرىن تيگىزىپ، دۇرىس تاماقتانباۋ قاۋپىن ارتتىرادى.

«زەرتتەۋىمىزدە انورەكسيانى ناسيحاتتايتىن TikTok كونتەنتىنە 10 مينۋتتان از ۋاقىت ارالىعىندا شولۋ جاساۋ دەنە بىتىمىنە قاتىستى كۇيگە جانە سىرتقى كەلبەت يدەالدارىن قابىلداۋعا بىردەن تەرىس اسەر ەتەتىنىن كورسەتتى»، - دەپ مالىمدەدى زەرتتەۋشىلەر سارسەنبى كۇنى PLOS ONE جۋرنالىندا جاريالانعان ناتيجەلەرى تۋرالى.

قولدانۋشىلارىنىڭ سانى ميللياردتان اساتىن بۇل پلاتفورما بۇكىل الەم بويىنشا بەلسەندى قولدانۋشىلارعا يە.

زەرتتەۋگە اۆستراليا ۋنيۆەرسيتەتىنىڭ ءبىرىنشى كۋرس ستۋدەنتتەرى، جالپى سانى 273 ادام قاتىسقان.