تيكتوك كومپانياسىنىڭ باس ديرەكتورى ترامپتىڭ يناۋگۋراتسياسىنا قاتىسۋى مۇمكىن

استانا. قازاقپارات - TikTok كومپانياسىنىڭ باس ديرەكتورى شوۋ جى چۋ 20 - قاڭتاردا ا ق ش- تىڭ جاڭادان سايلانعان پرەزيدەنتى دونالد ترامپتىڭ ۇلىقتاۋ راسىمىنە قاتىسۋدى جوسپارلاپ وتىر، دەپ حابارلايدى Agenzia Nova باسىلىمى.

بۇل تۋرالى New York Times گازەتى قۇپيا دەرەككوزدەرگە سۇيەنە وتىرىپ حابارلاعان.

شوۋ جى چۋ بۇرىنعى پرەزيدەنتتەر، ولاردىڭ وتباسىلارى جانە ماڭىزدى قوناقتارمەن قاتار يناۋگۋراتسيا راسىمىنە قاتىسادى دەپ كۇتىلۋدە.

ءىس- شاراعا سونىمەن قاتار Meta باس ديرەكتورى مارك سۋكەربەرگ، Tesla جانە SpaceX نەگىزىن قالاۋشى جانە باس ديرەكتورى يلون ماسك، Amazon Group نەگىزىن قالاۋشى جانە ءتوراعاسى دجەفف بەزوس قاتىسادى.

سالتاناتتى شاراعا TikTok باس ديرەكتورىنىڭ قاتىسۋىن قىتايلىق ByteDance كومپانياسى ءالى راستاعان جوق.

بۇل جاڭالىق ا ق ش- تا TikTok تاپ بولعان قيىندىقتارعا بايلانىستى. كونگرەسس قابىلداعان جانە پرەزيدەنت دجو بايدەن ۇلتتىق قاۋىپسىزدىككە بايلانىستى قول قويعان زاڭعا سايكەس پلاتفورماعا كەلەسى جەكسەنبىدە تىيىم سالىنۋى مۇمكىن.

الايدا، The Washington Post سىلتەمە جاساعان ءانونيمدى دەرەككوزدەردىڭ حابارلاۋىنشا، دونالد ترامپ پلاتفورمانى «قۇتقارۋدىڭ» بىرنەشە نۇسقاسىن قاراستىرۋدا، سونىڭ ىشىندە زاڭدى 2-3 ايعا ۋاقىتشا توقتاتا تۇرۋ تۋرالى جارلىققا قول قويۋ جوسپارى دا بار.

وتكەن ايدا ترامپ TikTok قا «جىلى قاباق» تانىتاتىنىن ءبىلدىرىپ، پلاتفورمانىڭ جاستار اراسىنداعى تانىمالدىلىعىن اتاپ ءوتتى. ونىڭ ايتۋىنشا، قاراشادا كامالا حارريستى جەڭۋىندە TikTok ماڭىزدى ءرول اتقاردى. ول سونداي- اق ا ق ش جوعارعى سوتىن TikTok قا تىيىم سالۋ تۋرالى شەشىم قابىلداماۋعا شاقىردى.

ايتا كەتەيىك، قىتاي بيلىگى TikTok تى يلون ماسككە ساتۋى مۇمكىن.