تيك- توك ا ق ش ۇكىمەتىن سوتقا بەردى
استانا. قازاقپارات - TikTok جانە ByteDance كومپانياسى ا ق ش پرەزيدەنتى دجو بايدەن قول قويعان تىيىمعا قارسىلىق ءبىلدىرۋ ءۇشىن ەل ۇكىمەتىن سوتقا بەردى. بۇل تۋرالى «امەريكا داۋىسى» حابارلادى.
ByteDance وكىلدەرى بۇل زاڭ ءسوز بوستاندىعىن قورعايتىن كونستيتۋتسياعا ەنگىزىلگەن ءبىرىنشى تۇزەتۋدى بۇزادى دەپ وتىر. ا ق ش- تا قابىلدانعان زاڭ قىتايلىق ByteDance كومپانياسىنا 8 ايدان از ۋاقىت ىشىندە TikTok تىڭ امەريكاندىق بولىگىن ساتۋعا ءماجبۇر ەتەدى، ايتپەسە ەلدە باعدارلاماعا تىيىم سالىنادى.
TikTok جانە ByteDance وكىلدەرى اكتيۆتەردى ساتۋ كوممەرتسيالىق، تەحنولوگيالىق نەمەسە زاڭدى تۇردە مۇمكىن ەمەس دەيدى.
«بۇل زاڭ TikTok-تى 2025 -جىلدىڭ 19-قاڭتارىنا دەيىن شەكتەيتىنىنە جانە پلاتفورمانى بايلانىس ءۇشىن پايدالاناتىن 170 ميلليون امەريكالىقتاردىڭ ءۇنسىز قالدىراتىنىنا كۇمانىمىز جوق»، - دەدى ByteDance وكىلدەرى.
جاڭا زاڭعا سايكەس، ەگەر كومپانيا شارتتاردى ورىنداماسا، Apple مەن Google پايدالانۋشىلارعا TikTok قولدانباسىن ۇسىنا المايدى. ينتەرنەت- حوستينگ قىزمەتتەرىنە دە قوسىمشانى قولدانۋعا تىيىم سالىنادى. زاڭ ا ق ش كونگرەسى TikTok ۇلتتىق قاۋىپسىزدىككە قاتەر ءتوندىرۋى مۇمكىن دەگەن الاڭداۋشىلىق بىلدىرگەننەن كەيىن قابىلداندى. امەريكالىق زاڭ شىعارۋشىلار قىتاي بيلىگى امەريكالىقتار تۋرالى دەرەكتەردى قولدانبا ارقىلى جيناي الادى دەپ سەنەدى.
سوتقا جولدانعان شاعىمدا ByteDance كومپانياسى TikTok تى ماجبۇرلەپ ساتۋعا «تۇبەگەيلى قارسى» جانە قولدانبانىڭ ەڭ قۇندى بولىگى سانالاتىن TikTok الگوريتمىن ەكسپورتتاۋعا رۇقسات بەرمەيتىنىن ايتقان.
قۇجاتقا سايكەس، TikTok پايدالانۋشى دەرەكتەرىن قورعاۋ شارالارىنا 2 ميلليارد دوللار جۇمساعان. سونداي- اق كومپانيا ا ق ش- قا 90 بەتتىك ۇلتتىق قاۋىپسىزدىك تۋرالى كەلىسىم جوباسىنىڭ شارتتارىن بۇزعان جاعدايدا قولدانبانى توقتاتا تۇرۋ قۇقىعىن بەرەتىن «جويۋ وپتسياسىمەن» كەلىستى.
