پۋتين توقايەۆقا قازاقستاندىق اسكەري قىزمەتشىلەردىڭ قازا بولۋىنا بايلانىستى كوڭىل ايتتى

بۇل تۋرالى كرەملدىڭ باسپا ءسوز قىزمەتى ءمالىم ەتتى.

رەسەي باسشىسى جولداعان جەدەلحاتتا قازا تاپقان اسكەري قىزمەتشىلەردىڭ تۋعان- تۋىستارى مەن جاقىندارىنا قايعىرىپ كوڭىل ايتاتىنىن جەتكىزگەن.

- قۇرمەتتى قاسىم-جومارت كەمەل ۇلى! قازاقستان اسكەري-تەڭىز كۇشتەرىنىڭ كاسپيدەگى وقۋ-جاتتىعۋلارى بارىسىندا بولعان قايعىلى وقيعاعا بايلانىستى شىن جۇرەكتەن كوڭىل ايتامىن. قازا تاپقان اسكەري قىزمەتشىلەردىڭ تۋعان-تۋىستارىنا شىنايى جاناشىرلىعىم مەن قولداۋىمدى جەتكىزۋىڭىزدى سۇرايمىن. رەسەي حالقى ولاردىڭ قايعىسى مەن قاسىرەتىن بولىسەدى،- دەلىنگەن ۆلاديمير پۋتيننىڭ جەدەلحاتىندا.

جەدەلحات قازاقستان پرەزيدەنتىنە 25-قىركۇيەككە قاراعان ءتۇنى جولدانعان.

ەسكە سالايىق، 2026 -جىلعى 24-قىركۇيەكتە كاسپيدەگى اسكەري وقۋ-جاتتىعۋ كەزىندە 12 اسكەري قىزمەتشى قازا تاپقانىن حابارلاعانبىز. ءۇش اسكەري قىزمەتشى قۇتقارىلدى. ولاردىڭ بىرەۋى اۋرۋحاناعا جاتقىزىلدى.

اسكەري قىزمەتشىلەردىڭ قازا بولۋ فاكتىسى بويىنشا قىلمىستىق ءىس قوزعالىپ، تەرگەلىپ جاتقانىن جازدىق.

قىلمىستىق كودەكستىڭ 453-بابىنىڭ 2-بولىگى - «اۋىر زارداپتارعا اكەپ سوققان قىزمەتكە سالعىرت قاراۋ» جانە 465-بابى - «كەمە جۇرگىزۋ قاعيدالارىن بۇزۋ» بويىنشا قىلمىستىق ءىس قوزعالدى.