پۋتين، شي جينپيڭ جانە ترامپتىڭ ءۇشجاقتى كەزدەسۋى 19-قاراشادا قىتايدا وتەدى
استانا. KAZINFORM - رەسەي پرەزيدەنتى ۆلاديمير پۋتين، قىتاي ءتوراعاسى شي جينپيڭ جانە ا ق ش پرەزيدەنتى دونالد ترامپتىڭ ءۇشجاقتى كەزدەسۋى 19-قاراشادا قىتايدىڭ شىنجىن قالاسىندا وتەدى.
بۇل تۋرالى رەسەي پرەزيدەنتىنىڭ باسپا ءسوز حاتشىسى دميتري پەسكوۆ تاسس اگەنتتىگىنە حابارلاعان.
- 19-قاراشادا پرەزيدەنت پۋتين، ءتوراعا شي جانە پرەزيدەنت ترامپتىڭ ءۇشجاقتى كەزدەسۋىن وتكىزۋ تۋرالى كەلىسىمگە قول جەتكىزىلدى. كەزدەسۋ شىنجىن قالاسىندا اتەس سامميتى اياسىندا وتەدى، - دەدى كرەمل وكىلى.
وسىعان دەيىن ا ق ش پرەزيدەنتى دونالد ترامپ كەلەسى اپتادا قىتايدىڭ شىنجىن قالاسىندا رەسەي مەن قىتاي كوشباسشىلارىمەن كەزدەسۋدى جوسپارلاپ وتىرعانىن جازعانبىز. ءۇشجاقتى كەلىسسوزدەردىڭ نەگىزگى تاقىرىپتارى يادرولىق قارۋدى قىسقارتۋ جانە يرانعا قاتىستى جاعداي بولادى.
