توتەنشە جاعدايلار ءمينيسترى سۋ تاسقىنىنا دايىندىقتى جەدەل اياقتاۋدى تاپسىردى
استانا. KAZINFORM - توتەنشە جاعدايلار ءمينيسترى گەنەرال-مايور شىڭعىس ءارىنوۆ باتىس قازاقستان وبلىسىنداعى جۇمىس ساپارىن اياقتاپ، ءوڭىردىڭ كوكتەمگى سۋ تاسقىنىنا دايىندىعىن تەكسەردى.
ينسپەكسيانىڭ ەكىنشى كۇنى اياسىندا ۆەدومستۆو باسشىسى ءبورلى اۋدانىنا بارىپ، سۋ تاسقىنى قاۋپى بار ۋچاسكەلەردى، سالىنعان بوگەندەردىڭ ۇزىندىعى مەن بەرىكتىگىن، سونداي-اق تەز سالىناتىن باستيونداردى قاراپ شىقتى.
سۋ تاسقىنى كەزەڭىنىڭ سالدارىن بولدىرماۋ ءۇشىن مونتاجداۋ-قۇرىلىس ءىس-شارالارىن قوسا العاندا، ءبىرقاتار كۇردەلى جانە اۋقىمدى جۇمىستار جۇرگىزىلدى. سۋ تاسقىنىنا قارسى بارلىق شارا ۋاقتىلى جانە تولىق كولەمدە جۇزەگە اسىرىلۋى ماڭىزدى، - دەپ شىڭعىس ءارىنوۆ اتاپ ءوتتى.
مينيستر جەرگىلىكتى قىزمەتتەرگە قاۋىپتى ايماقتارعا ەرەكشە نازار اۋدارا وتىرىپ، سۋ تاسقىنىنا دايىندىقتى جەدەل اياقتاۋدى تاپسىردى.
ايتا كەتەلىك قانات بوزىمبايەۆ قاراعاندى وبلىسىنىڭ سۋ تاسقىنى كەزەڭىنە دايىندىعىن تەكسەرگەن ەدى.
