توتەنشە جاعدايلار ءمينيسترى: قاۋىپسىزدىك ساقتاماعان شاحتالاردى جابۋىمىز مۇمكىن
استانا. KAZINFORM - توتەنشە جاعدايلار ءمينيسترى شىڭعىس ءارىنوۆ ەڭبەك قاۋىپسىزدىگىن ساقتاماعان شاحتالار مينيسترلىكتىڭ ەسكەرتۋلەرىنە قۇلاق اسپاسا، جاۋىپ تاستايتىندارىن ءمالىم ەتتى.

- شاحتادا بولاتىن توتەنشە جاعدايلاردىڭ نەگىزگى سەبەبى - جابدىقتىڭ توزۋى. بۇرىن جابدىقتى تەكسەرۋگە مۇمكىندىك بولعان جوق. تەكسەرۋ جوسپارلارىن بەكىتە المايتىنبىز. قازىرگى تاڭدا ءبىزدىڭ قىزمەتكەرلەر رەگلامەنتتىڭ ءبارىن تەكسەرىپ، قاداعالايتىن بولادى. ال تالاپتاردى ورىنداماعان كەزدە كاسىپورىندى جاۋىپ تاستاۋعا دەيىنگى بۇكىل مۇمكىندىك بار. ءبىرىنشى تالاپ - جابدىقتاردىڭ سايكەس بولۋى. ودان كەيىن تەحنيكانىڭ، مامانداردىڭ سايكەس بولۋى. سونىڭ بارىندە تەكسەرۋ وتكىزىپ، ونەركاسىپ قاۋىپسىزدىگىنىڭ قىزمەتكەرلەرىنە ۇيعارىم، - دەدى.
مينيستر ازىرگە زاڭنامانىڭ ول تەتىگى ەشبىر شاحتاعا قولدانىلماعانىن ايتتى.
- ءبىز كاسىپورىنداردىڭ جۇمىسىن توقتاتپاۋ ءۇشىن بارلىق جاعدايدى جاسايمىز. جۇمىس توقتاعان كەزدە قانداي شىعىندار بولۋى مۇمكىن ەكەنىن، ونىڭ الەۋمەتتىك جاعىمسىز اسەرى بولۋى مۇمكىن، - دەدى شىڭعىس ءارىنوۆ.
قازاقستان شاحتالارىنىڭ قاۋىپسىزدىگىن روبوت ءيت تەكسەرۋى مۇمكىن.