توتەنشە جاعدايدا بايلانىس وپەراتورلارى ابونەنتكە قاتىستى دەرەكتەردى ۇسىنادى

استانا. KAZINFORM - سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى الەۋمەتتىك، تابيعي جانە تەحنوگەندىك سيپاتتاعى توتەنشە جاعدايلار تۋىنداعاندا بايلانىس وپەراتورلارى ۋاكىلەتتى ورگانعا ابونەنتتىڭ ورنالاسقان جەرىنە قاتىستى جيىنتىق دەرەكتەردى بەرۋ قاعيدالارىن بەكىتتى.

قاعيدالار قازاقستان اۋماعىندا قىزمەت ەتەتىن بارلىق بايلانىس وپەراتورلارىنا جانە بايلانىس جەلىلەرىنە قولدانىلادى.

ۋاكىلەتتى ورگان ابونەنتكە قاتىستى دەرەكتەردى الۋ ءۇشىن بايلانىس وپەراتورلارىنا نەمەسە بايلانىس جەلىلەرىنىڭ يەلەرىنە (مەملەكەتتىك ورگاننىڭ اقپاراتتىق جۇيەلەرى، ينتەرنەت-رەسۋرستارى ارقىلى) سۇراۋ جىبەرەدى.

بىرىكتىرىلگەن دەرەكتەرگە مىنالار جاتادى:

- ورنالاسقان جەرى (ابونەنتتىڭ ورنالاسقان جەرى)؛

- ابونەنتتەردىڭ جالپى سانى.

جەدەل شتاب الەۋمەتتىك سيپاتتاعى توتەنشە جاعدايلاردىڭ الدىن الۋ جانە ولاردى جويۋ ماقساتىندا بايلانىس وپەراتورلارىنا نەمەسە بايلانىس جەلىلەرىنىڭ يەلەرىنە جيىنتىق دەرەكتەردى الۋ ءۇشىن سۇراۋدى دەربەس جىبەرەدى.

سۇراۋدا ءوتىنىشتىڭ ماقساتى، سونداي-اق بىرىكتىرىلگەن دەرەكتەردى بەرۋ مەرزىمى كورسەتىلەدى. سول سياقتى سۇراۋ ەلەكتروندى نەمەسە حات تۇرىندە جىبەرىلەدى.

«بايلانىس وپەراتورلارى مەن جەلى يەلەرى ۋاكىلەتتى ورگاننان سۇراۋدى العاننان كەيىن 3 ساعاتتىڭ ىشىندە جيىنتىق دەرەكتەردى ۇسىنادى»، - دەلىنگەن بۇيرىق ماتىنىندە.

ۋاكىلەتتى ورگان قاجەت بولعان جاعدايدا جيىنتىق دەرەكتەردى العاننان كەيىن ولاردى «ازاماتتىق قورعاۋ تۋرالى» زاڭنىڭ 8-بابىنا سايكەس ازاماتتىق قورعاۋ قىزمەتىنە جىبەرەدى.

بۇيرىق 2025 -جىلعى 7-قاڭتاردان باستاپ قولدانىسقا ەنگىزىلەدى.