12 جىلدان سوڭ: تورەحان سابىرحان ازيا ويىندارىنىڭ چەمپيونى اتاندى
ناگويا. KAZINFORM - جاپونيادا ءوتىپ جاتقان ⅩⅩ جازعى ازيا ويىندارىنىڭ بوكستان فينالدىق جەكپە-جەكتەر ءوتىپ جاتىر.
ەرلەر اراسىندا 70 كەلى سالماقتا قازاقستاندىق بوكسشى تورەحان سابىرحان شارشى الاڭعا شىعىپ، يوردانيالىق زەياد يشايشپەن التىن جۇلدەنى ساراپقا سالدى.
ءۇش راۋند قورىتىندىسى بويىنشا، وتانداسىمىز قارسىلاسىن 5:0 ەسەبىمەن جەڭىپ، ازيا ويىندارىنىڭ چەمپيونى اتاندى.
ايتا كەتەرلىگى، بۇل قازاقستان قۇراماسىنىڭ وسى ازيا ويىندارىندا جەڭىپ العان ونىنشى التىن مەدالى.
وسىعان دەيىن حابارلاعانىمىزداي، بۇگىن قازاقستاندىق ەكى بوكسشى ازيا ويىندارى فينالىندا سىنعا تۇسەدى.
سونىمەن قاتار، تورەحان اقتىق سىندا يوردانيالىق قارسىلاسىنان ەسە قايتاراتىنىن ايتقان بولاتىن.
مۇحتار قاليموللا ۇلى
