توقايەۆ يتاليا پرەزيدەنتى سەردجو ماتتارەللانى ەلوردا اۋەجايىنان شىعارىپ سالدى
استانا. KAZINFORM - قاسىم-جومارت توقايەۆ يتاليا پرەزيدەنتى سەردجو ماتتارەللانى ەلوردا اۋەجايىنان شىعارىپ سالدى. بۇل تۋرالى اقوردانىڭ باسپا ءسوز قىزمەتى حابارلادى.
- مەملەكەت باسشىسى قاسىم-جومارت توقايەۆ يتاليا پرەزيدەنتى سەردجو ماتتارەللانى ەلوردا اۋەجايىنان شىعارىپ سالدى، - دەلىنگەن حابارلامادا.
ايتا كەتەلىك قاسىم-جومارت توقايەۆ يتاليا پرەزيدەنتىن اقوردادا قارسى العان ەدى. قاسىم-جومارت توقايەۆ سەردجو ماتتارەللانىڭ قازاقستانعا ساپارى ەكى ەل اراسىنداعى ىنتىماقتاستىقتى ودان ءارى نىعايتۋعا تىڭ سەرپىن بەرەتىنىن اتاپ ءوتتى. ەلوردا كوشەلەرىنىڭ بىرىنە ماركو پولو ەسىمى بەرىلەدى. بۇل تۋرالى اقوردادا يتاليا پرەزيدەنتى سەردجو ماتتارەللامەن كەڭەيتىلگەن قۇرامداعى كەلىسسوزدەر بارىسىندا مەملەكەت باسشىسى قاسىم-جومارت توقايەۆ ايتتى. سونداي-اق استانادا يتاليا مادەني ورتالىعى اشىلادى.
پرەزيدەنت قازاقستان ءوز نارىعىندا جۇمىس ىستەۋگە نيەتتى يتاليا كومپانيالارى ءۇشىن قولايلى جاعداي جاساۋعا دايىن ەكەنىن ايتقان ەدى.
