توقايەۆ تۇركى مەملەكەتتەرى ۇيىمىنىڭ 13-سامميتىنە قاتىسۋ ءۇشىن «كۋليە» سارايىنا باردى
استانا. KAZINFORM - پرەزيدەنت قاسىم-جومارت توقايەۆ تۇركى مەملەكەتتەرى ۇيىمىنىڭ 13-سامميتىنىڭ اشىلۋ راسىمىنە قاتىسۋ ءۇشىن «كۋليە» سارايىنا باردى. بۇل تۋرالى اقوردا ءمالىم ەتتى.
مەملەكەت باسشىسىن تۇركيا ۆيتسە-پرەزيدەنتى دجيەۆدەت يىلماز قارسى الدى.
ەسكە سالا كەتەيىك، كەشە قاسىم-جومارت توقايەۆتىڭ تۇركياعا رەسمي ساپارى باستالدى.
تۇركيا رەسپۋبليكاسىنا رەسمي ساپارمەن بارعان قاسىم-جومارت توقايەۆتى انكاراداعى پرەزيدەنت سارايىندا سالتاناتتى قارسى الۋ ءراسىمى ءوتتى.
كەيىن ەكى ەل باسشىسى كەلىسسوز جۇرگىزدى. مەملەكەتتەر باسشىلارى ماڭگى دوستىق پەن كەڭەيتىلگەن ستراتەگيالىق سەرىكتەستىك رۋحىنداعى ەكىجاقتى قارىم-قاتىناستىڭ قارقىندى دامىپ كەلە جاتقانىن اتاپ ءوتتى.
ال بۇگىن قازاقستان مەن تۇركيا پرەزيدەنتتەرى كەڭەيتىلگەن قۇرامدا كەلىسسوز جۇرگىزدى.
پرەزيدەنتتەردىڭ كەلىسسوزى ەكى ەلدىڭ رەسمي دەلەگاتسيا مۇشەلەرىنىڭ قاتىسۋىمەن ودان ءارى جالعاستى.
قاسىم-جومارت توقايەۆ باۋىرلاس ەلدىڭ رەسپۋبليكا كۇنى قارساڭىنداعى جۇزدەسۋ تەرەڭ سيمۆولدىق مانگە يە ەكەنىنە نازار اۋدارىپ، تۇركيا پرەزيدەنتى مەن بارشا تۇرىك حالقىن ۇلىق مەرەكەمەن قۇتتىقتادى.
