15:43, 26 - اقپان 2024 | GMT +6
توقايەۆ ەردوعاندى 70 جاسقا تولعان مەرەيتويىمەن قۇتتىقتادى
استانا. KAZINFORM - قاسىم-جومارت توقايەۆ رەجەپ تايپ ەردوعاندى 70 جاسقا تولعان مەرەيتويىمەن قۇتتىقتاپ، ىزگى تىلەگىن جەتكىزدى.
سونىمەن قاتار تۇركيا پرەزيدەنتىنىڭ كورەگەن ساياساتى مەن قاجىرلى ەڭبەگىنىڭ ارقاسىندا باۋىرلاس ەلدىڭ ودان ءارى قارقىندى دامىپ، حالىقارالىق قوعامداستىقتاعى بەدەلى ارتا تۇسەتىنىنە سەنىم ءبىلدىردى.
اڭگىمەلەسۋ بارىسىندا ەكى ەل باسشىلارى ساۋدا-ەكونوميكا جانە ينۆەستيتسيا سالالارىنداعى سەرىكتەستىكتى كەڭەيتۋگە باسا ءمان بەرە وتىرىپ، قازاقستان مەن تۇركيا اراسىنداعى جان-جاقتى ستراتەگيالىق ىنتىماقتاستىقتى وركەندەتۋ ماسەلەسى جونىندە پىكىر الماستى.
سونىمەن قاتار تاراپتار قازاقستاننىڭ تۇركى مەملەكەتتەرى ۇيىمىنا ءتوراعالىعى كەزىندەگى كۇن ءتارتىبىنىڭ جۇزەگە اسىرىلۋ بارىسىن تالقىلادى.
