17:44, 24 - ماۋسىم 2024 | GMT +6
توقايەۆ پەن پۋتين تەرروريزممەن كۇرەستى كۇشەيتۋگە دايىن
استانا. KAZINFORM - قازاقستان پرەزيدەنتى قاسىم-جومارت توقايەۆ پەن رەسەي باسشىسى ۆلاديمير پۋتين تەرروريزممەن كۇرەستى كۇشەيتۋگە دايىن ەكەندىكتەرىن ءبىلدىردى.
مەملەكەتتەر باسشىلارىنىڭ تەلەفون ارقىلى نە تۋرالى اڭگىمەلەسكەنىن كەرەملدىڭ باسپا ءسوز قىزمەتى ءمالىم ەتتى، دەپ جازادى رەسەيلىك تاسس.
«ەكى تاراپ تا تەرروريزممەن كۇرەستى كۇشەيتۋگە دايىن ەكەندىكتەرىن جەتكىزدى»، - دەلىنگەن ر ف پرەزيدەنتىنىڭ باسپا ءسوز قىزمەتى تاراتقان حابارلامادا.
وسىعان دەيىن قاسىم-جومارت توقايەۆ پۋتينمەن بولعان اڭگىمە بارىسىندا داگەستاندا بولعان تەراكتىگە بايلانىستى رەسەي باسشىسىنا كوڭىل ايتىپ، سيەۆاستوپولگە جاسالعان سوققىنى ايىپتادى.
