17:11, 10 - ءساۋىر 2024 | GMT +5
توقايەۆ پەن ەردوعان ءبىر-ءبىرىن ورازا ايت مەيرامىمەن قۇتتىقتادى
استانا. KAZINFORM -تەلەفون ارقىلى سويلەسكەن مەملەكەتتەر باسشىلارى ءبىرىن- ءبىرى ورازا ايت مەرەكەسىمەن قۇتتىقتاپ، قازاقستان مەن تۇركيا حالىقتارىنا باق- بەرەكە تىلەدى.
قاسىم-جومارت توقايەۆ ەلىمىزدىڭ ءبىرقاتار وڭىرىندەگى سۋ تاسقىنى سالدارىنان قالىپتاسقان كۇردەلى احۋالعا بايلانىستى قولداۋ كورسەتكەنى ءۇشىن رەجەپ تايپ ەردوعانعا العىس ايتتى.
قازاقستان پرەزيدەنتى تۇركيا رەسپۋبليكاسىمەن باۋىرلاستىق قاتىناستى، سونداي-اق ەكى ەل حالىقتارى اراسىنداعى تۇراقتى ىنتىماقتاستىق پەن ءوزارا تىلەۋلەستىكتى جوعارى باعالايتىنىن مالىمدەدى.
اڭگىمە بارىسىندا پرەزيدەنتتەر ەكى ەل اراسىنداعى ستراتەگيالىق سەرىكتەستىكتى ودان ءارى نىعايتۋ ماسەلەسىن تالقىلاپ، الداعى ۋاقىتقا جوسپارلانعان كەزدەسۋلەر كەستەسىن قاراستىردى.
