17:11, 28 - اقپان 2024 | GMT +5
توقايەۆ ماجارستاننىڭ جاڭا پرەزيدەنتى تاماش شۋيوكتى قۇتتىقتادى
استانا. KAZINFORM - مەملەكەت باسشىسى قاسىم-جومارت توقايەۆ قازاقستان حالقىنىڭ جانە جەكە ءوز اتىنان تاماش شۋيوكتى ماجارستان پرەزيدەنتى لاۋازىمىنا سايلانۋىمەن قۇتتىقتاپ، جەدەلحات جولدادى.
- ءسىزدىڭ وراسان زور ساياسي تاجىريبەڭىز بەن العا قويعان تىڭ جوسپارلارىڭىز ەلىڭىزدىڭ بولاشاعىن جارقىن ەتىپ، حالقىڭىزدىڭ ىرىس-بەرەكەسىن ەسەلەۋدە مىزعىماس نەگىز بولاتىنىنا نىق سەنىمدىمىن. تامىرى تەرەڭنەن باستاۋ الاتىن قازاقستان مەن ماجارستان اراسىنداعى ستراتەگيالىق سەرىكتەستىكتى ودان ءارى نىعايتۋ ماقساتىندا وزىڭىزبەن بىرلەسە كۇش-جىگەر جۇمىلدىرۋعا دايىن ەكەنىمدى راستايمىن، - دەپ جازىلعان جەدەلحاتتا.
مەملەكەت باسشىسى ماجارستان پرەزيدەنتىنىڭ اسا جاۋاپتى قىزمەتىنە تولاعاي تابىس، ال باۋىرلاس ماجار حالقىنا قۇت-بەرەكە تىلەدى.
